धनकुटामा गठबन्धनले भागबन्डा टुंग्यायो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
धनकुटा — मनोनयन गर्ने अन्तिम समयमा धनकुटा गठबन्धनले भागबन्डा टुंग्याएको छ । गठबन्धनमा आबद्ध दलको बैठक बिहान २ बजेसम्म बसेर उम्मेदवार टुंग्याएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![धनकुटामा गठबन्धनले भागबन्डा टुंग्यायो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/gathabandhan-congress-maoist-uc-jasapa-1842022081327-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सात वटा पालिका रहेको धनकुटामा पाँच पालिकाका प्रमुख र अधिकांश वडाध्यक्ष नेपाली कांग्रेसले भाग पाएको पार्टी स्रोतले जनाएको छ ।
कांग्रेसले धनकुटा, पाख्रीबास र महालक्ष्मी नगरपालिकासहित छथर जोरपाटी र साँगुरीगढी गाउँपालिका अध्यक्षको उम्मेदवार पाउने भएको छ । सहिदभूमि गाउँपालिका नेकपा समाजवादीले पाउने स्रोतले जनायो । ८ वटा वडा रहेको चौबिसेमा ६ वटा वडा कांग्रेसले लिएर अध्यक्ष र उपाध्यक्ष माओवादीका तर्फबाट उम्मेदवार रहेको जनाइएको छ । यस्तै, सहिदभूमिमा ५ वटा वडा र उपाध्यक्ष कांग्रेस तथा अध्यक्षसहित २ वटा वडा गठबन्धनले पाएको छ । गठबन्धनको भागबन्डाबारे पत्रकार भेला गरेर मात्र नाम सार्वजनिक गरिने कांग्रेस जिल्ला सभापती दिनेश राईले बताए ।
कांग्रेससहित नेकपा माओवादी, नेकपा समाजवादी र जनता समाजवादी गठबन्धनको रुपमा साझा उम्मेदवार बनाउँदै छन् । एमालेले भने शनिबार नै जिल्लाका सात वटै पालिकामा उम्मेदवार टुंग्याएर नाम सार्वजनिक गरिसकेको छ । गठबन्धन दलभित्रको किचलोका कारण आफ्नो पार्टीले सात वटै तहमा जित हात पार्ने एमाले जिल्ला अध्यक्ष इन्द्रमणि पराजुलीको दाबी छ । एमालेले २०७४ को स्थानीय तह निर्वाचनमा सबै तहमा प्रमुख र उपप्रमुख तथा ६० वडामध्ये ४३ मा जितेको थियो । बाँकी ९ मा कांग्रेस तथा ५ मा माओवादी र ३ मा जनता समाजवादीले जीतेका थिए । विगतको तुलनामा यसपटक एमालेलाई पनि निर्वाचन 'फलामको च्युरा' हुन सक्ने गठबन्धन दलले दाबी गर्दै आएका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)