सन् २०१४ मा आजकै दिन : भारतीय प्रधानमन्त्रीमा मोदी

लोकसभामा निर्वाचित हुने ५ सय ४३ सिटमध्ये भाजपा २ सय ८२ सिटमा विजयी भएको थियो । भाजपा नेतृत्वको नेसनल डेमोक्रेटिक अलायन्सले ३ सय ३६ सिट ल्याएको थियो । विपक्षी दल इन्डियन नेसनल कंग्रेसले ४४ सिट मात्र जितेको थियो । कंग्रेस नेतृत्वको युनाइटेड प्रोग्रेसिभ अलाएन्सले ५९ सिट ल्याएको थियो ।

१९५० सेप्टेम्बर १७ मा जन्मिएका मोदीले भारतमा हाल भइरहेको चुनावमार्फत अर्को कार्यकाल ताकिरहेका छन् । भारतमा २०२४ अप्रिल १९ मा सुरु भएको चुनाव जुन १ मा सकिँदै छ । प्रधानमन्त्री हुनुअघि मोदी २००१ देखि २०१४ सम्म गुजरातका मुख्यमन्त्री भएका थिए ।