अर्जेन्टिना र स्पेनबीच न्यु जर्सीको मेटलाइफ रंगशालामा भइरहेको विश्वकप फाइनल खेल निर्धारित ९० मिनेटमा कुनै गोल हुन नसकेपछि खेल अतिरिक्त समयमा धकेलिएको छ ।

दोस्रो हाफको इन्जुरी टाइममा इन्जो फर्नान्डेजले रातो कार्ड पाएपछि अर्जेन्टिना १० खेलाडीमा सीमित भएको छ ।

अर्जेन्टिना र स्पेनबीच न्यु जर्सीको मेटलाइफ रंगशालामा भइरहेको विश्वकप फाइनल खेल मध्यान्तरसम्म गोलरहित बराबरीको अवस्थामा रहेको छ ।

अर्जेन्टिना र स्पेनबीचको विश्वकप फाइनलको पहिलो हाइड्रेसन ब्रेकसम्म खेल गोलरहित बराबरीको अवस्थामा छ ।

स्पेनले २०१० को विश्वकप जितेपछि यसै विश्वकपमा आएर मात्र नकआउट चरणको खेल जितेको हो । ९० मिनेटमा खेलिएका पछिल्ला ३७ खेलमा स्पेन अपराजित रहेको छ ।

स्पेनका १९ वर्षे लामिन यमाल युवा उमेरमै विश्वकप फाइनल र युरोपियन च्याम्पियनसिप फाइनल खेल्ने पहिलो खेलाडी हुन् ।

अर्जेन्टिनाले सेमिफाइनलमा इंग्ल्यान्डविरुद्ध खेलेको टोलीबाट ३ खेलाडी परिवर्तन गरेको छ । नाहुइल मोलिना, गिउलिएनो सिमोनी र लियोनार्डो पारेडेजको स्थानमा गोन्जालो मोन्टेइल, रोड्रिगो डी पाल र निको गोन्जालेजलाई खेलाएको छ । स्पेनले भने सेमिफाइनलमा फ्रान्सलाई २-० ले पराजित गरेको आफ्नो टोलीबाट कुनै खेलाडी परिवर्तन गरेको छैन ।

अर्जेन्टिनाका कप्तान लियोनल मेसीले यस प्रतियोगितामा ८ गोल गरिसकेका छन् र सर्वाधिक गोल गर्दै गोल्डेन बुट पाउने सुचीमा फ्रान्सका किलियन एमबाप्पेभन्दा २ गोलले पछाडि छन् । मेसीले २०१४ र २०२२ मा गरी दुई पटक गोल्डेन बल भने पाइसकेका छन् ।

अर्जेन्टिनाका कप्तान लियोनल मेसी तीन विश्वकप फाइनल खेल्ने दोस्रो खेलाडी बन्दै छन् । मेसीले यसअघि २०१४ र २०२२ को फाइनल खेलेका थिए । यसअघि ब्राजिलका काफुले १९९४, १९९८ र २००२ मा गरी तीन विश्वकप फाइनल खेलेका थिए ।