काठमाण्डुको सात विकेट गयो, मिलिन्दकुमार ११ रनमा आउट । 

काठमाण्डुका आकाश  त्रिपाठी  ३४, बेन चार्ल्सवर्थ ८, भीम सार्की १२, सन्तोष यादव १, जोन सिम्पसन २४ र महोम्मद अदिल आलम ० रनमा आउट भएका छन् ।  मिलिन्द कुमार र रसिद खान अहिले क्रिजमा छन् । 

१३ ओभर समाप्तिमा काठमाण्डुको १ सय १ रन, ६ विकेट गयो 

काठमाण्डुको ६ विकेट गयो ।  

काठमाण्डुको पाँच विकेट गयो,  आकाश त्रिपाठी ३४ रन बनाएर आउट 

काठमाण्डु गोर्खाजको चौथो विकेट गएको छ 

१० ओभर समाप्तिमा काठमाण्डुले ८६ बनाएको  छ । काठमाण्डुबाट तेस्रो विकेटका लागि आकाश त्रिपाठी र जोन सिम्पसनले ४७ रनको साझेदारी गरेका छन् । 

काठमाण्डु गोर्खाजको तेस्रो विकेट गयो । 

आफ्नो पहिलो ओभरमा बेन चार्ल्सवर्थलाई आउट गरेका हेमन्त धामीले आफ्नो दोस्रो ओभरको चौथो बलमा भीम सार्कीलाई आरिफ सेखको हातबाट क्याचआउट गराएका हुन् । 

काठमाण्डु गोर्खाजको दोस्रो विकेट गयो । हेमन्त धामीको बलमा भीम शार्की आउट भएका छन् । 

हेमन्त धामीको दोस्रो ओभरको पहिलो बलमा भीम सार्कीले छक्का हानेका छन् ।

काठमाण्डू गोर्खाजले पहिलो विकेट गुमाउँदै ३ ओभरमा २७ रन जोडेको छ । आकाश त्रिपाठी र भीम सार्कीको जोडी क्रिजमा ।

काठमाण्डू गोर्खाजले पहिलो विकेट गुमायो । हेमन्त धामीको बलमा बेन चार्ल्सवेथलाई विनोद भण्डारीले क्याचआउट गरे । 

पहिलो ओभरमा काठमाण्डू गोर्खाजले बनायो ९ रन 

 पहिलो इनिङ्गसमा हर्मित सिंहले सुदूरपश्चिम रोयल्सबाट ६ छक्का र २ चौका प्रहार गरेका थिए । उनले १९ बलमा अर्धशतक बनाए ।

काठमाण्डु गोर्खाजले ब्याटिङ थाल्यो , आकाश त्रिपाठी स्ट्राइकमा 

सुदूरपश्चिम एक सय ४७ रन बनाएर अलआउट भएको छ । अन्तिम बलमा करण केसीले अविनाश बोहोरालाई आउट गरेका हुन् । 

काठमान्डु गाेर्खाजका लागि सुदूरपश्चिम रोयलले १ सय ४८ रनको टार्गेट दिएको छ ।

आफ्नो व्यक्तिगत चौथो र टिमका लागि २० औं ओभर लिएर करण केसी बलिङमा ।

सन्नी पटेलले ५३ रनको व्यक्तिगत स्कोरमा हरमित सिंहलाई आउट गरेका छन् ।

सुदूरपश्चिम रोयलका लागि अन्तिम समयमा आएर आकर्षक पारी खेलेका हरमित सिंहले १९ बलमा ५० रन जोडे । यसमा उनले २ चौका र ६ छक्का हानेका छन् ।

हर्मित सिंहले १९ बलमै अर्धशतक  पूरा गरेका छन् । 

सूदूरपश्चिमको आठ विकेट गयो । अहिलेसम्म १ सय ३७ रन बनइसकेको छ । 

हर्मित सिंह र दीपेन्द्रले ६१ रनको साझेदारी गर्दै सुदूरपश्चिमलाई बलियो अवस्थामा पुर्‍याए । दीपेन्द्र ३९ रन बनाएर आउट भएका छन् । हर्मित सिंह ४७ रनमा अविजित छन् । 

सुदूरपश्चिम रोयलले आफ्नो पछिल्लो पाँच ओभरमा २ दुई विकेट गुमाएर ६६ रन जोडैको छ ।

दीपेन्द्रसिंह ऐरी ३९ रन बनाएर आउट भएका छन् । 

सुदूरपश्चिम रोयलले आफ्नो १७ औं ओभरमा २४ रन जोडेको छ । 

हर्मित  सिंहले १६ बलमा ४७ रन बनाएपछि १७ ओभरमा ६ विकेट गुमाएर सुदुरपश्चिमले १ सय २५ रन स्कोर गरेको छ । 

 सुदूरपश्चिम आक्रामक देखिएको छ । हर्मित  सिंहले १५ बलमा ४६ रन बनाए ।

करण केसीको तीन बलमा सुदूरपश्चिम रोयलका लागि हरमित सिंहले दुई छक्का र एक चौका हानेका छन् ।

मिलिन्द कुमारको चौथो र टिमको १६ औं ओभरमा सुदूरपश्चिम रोयलले २१ रन बटुलेको छ ।

१६ औं ओभरको समाप्तिमा सुदूरपश्चिमले १ सय १ रन बनाएको छ । १६ ओभरमा हर्मित सिंहले ३ छक्कासहित २१ रन लिएर सुदूरपश्चिमको अवस्था सुधार गरेका हुन् । 

काठमान्डु गोर्खाजले आफ्नो १५ औं ओभरमा ५ रन मात्रै दिएको छ । 

सुदूरपश्चिम रोयल  ६ विकेट गुमाएर ७५ रनमा ।

सुदूरपश्चिमको छैटौं विकेट गयो, नरेन साउद आउट 

रसिद खानले आफ्नो दोस्रो ‌ओभरमा पनि ३ रनमात्रै दिएका छन् ।

आफ्नो दोस्रो ओभर लिएर रसिद खानमा बलिङमा आएका छन् ।

काठमान्डु गोर्खाजका लागि आफ्नो तेस्रो ‌र टिमको १२ औं ओभरमा सन्नी पटेलले ७ रन दिएका छन् ।

१० ओभरको समाप्तीमा सुदूरपश्चिम रोयल ५ विकेटको क्षतिमा ५४ रनमा ।

काठमान्डु गोर्खाजका लागि रसिद खानले आफ्नो पहिलो ओभरमा ३ रन दिएर १ विकेट लिएका छन् ।

करन केसीले केवल २ रन खर्चिएर ३ विकेट लिएपछि सुदूरपश्चिम दबाबमा परेको छ । अहिलेसम्म सुदूरपश्चिमले ५२ रन बनाउँदा ५ विकेट गुमाइसकेको छ । काठमाण्डु गोर्खाजबाट रसिद खान र मिलिन्दकुमारले थप एक-एक विकेट लिएका छन् । 

आरिफ सेख २५ रन बनाएर आउट ।

सुदूरपश्चिमले पाँच विकट गुमायो , आरिफ शेख २५ रन बनाएर आउट 

९ ‌ओभरको समाप्तीमा सुदूरपश्चिम रोयल्सले ४ विकेटको क्षतिमा ५१ रन जोडेको छ । 

सातौं ओभरको समाप्तिमा सुदूरपश्चिमले केवल ३५ रनमात्रै बनाउन सकेको छ । उसले चार विकेट गुमाइसकेको छ । 

 करण केसीले ३ विकेट लिएपछि दबाबमा रहेको सुदूरपश्चिम रोयल्सबाट इशान पाण्डेले छक्का प्रहार गरेका छन् । 

नेपाल प्रिमियर लिगमा प्रयोग भएको एआई पावर्ड चारखुट्टे कृतिम कुकुरलाई चंखे नाम दिइएको छ । यसमा क्यामेरा जडित छ । यस कुकुरले जम्प गर्न र मैदानमा दिइने विभिन्न कमाण्डहरुलाई सुन्नसक्ने निर्माता कम्पनीले जनाएको छ । 

सुदुरपश्चिमले दोस्रो बलमै विकेट गुमाएको छ । जोस ब्राउन शुन्य रनमै आउट भएका हुन् । गोर्खाजका कप्तान करण केसीले विकेट लिएका हुन् ।