नामिबियाका कप्तान जेहर्राड इरसमसको स्थानमा काठमान्डुले अलराउन्डर सन्नी पटेललाई चयन गरेको छ, गत वर्ष सुदूरपश्चिमसँग ७३ रनले पराजित भएको थियो।
काठमाडौँ — नेपाल प्रिमियर लिग (एनपीएल) क्रिकेटमा बुधबार काठमान्डु गोर्खाज र सुदूरपश्चिम रोयल्सबीचको खेल हुँदैछ । त्यसमा टस जितेर अपेक्षाअनुसार काठमान्डुले पहिले बलिङ गर्ने निर्णय गरेको छ ।
काठमान्डुले नामिबियाका कप्तान जेहर्राड इरसमसको स्थानमा अर्का अलराउन्डर सन्नी पटेललाई खेलाएको छ । पोहोर दुई टिमबीचको खेलमा सुदूरपश्चिमले काठमान्डुलाई ७३ रनले पराजित गरेको थियो ।
सुदूरपश्चिमको यो प्रतियोगितामा पहिलो खेल हो । काठमान्डुले भने उद्घाटन खेलमा डिफेन्डिङ च्याम्पियन जनकपुर बोल्ट्सलाई पाँच विकेटले हराएको थियो ।
काठमान्डु टिम : करण केसी (कप्तान), आकाश त्रिपाठी, भीम सार्की, बेन चार्ल्सवर्थ, जोन सिम्सन, सन्नी पटेल, मिलिन्द कुमार, साहब आलम, सन्तोष यादव, रसिद खान, आदिल अलाम अन्सारी,
सुदूरपश्चिम टिम : दीपेन्द्रसिंह ऐरी (कप्तान), आरिफ सेख, क्रिस लिन, विनोद भण्डारी, इशान पाण्डे, हरमित सिंह, अविनास बोहरा, नरेन साउद, जस ब्राउन, हेमन्त धामी, स्कट कुग्लेन
