विश्‍वकप लिग २ अन्तर्गत नेपालले खेल्ने दुईवटा त्रिकोणात्मक सिरिज स्थगित 

एजेन्सी

दुबई — कोरोना भाइरस(कोभिड–१९)को प्रभावका कारण नेपालले खेल्ने दुई वटा त्रिकोणात्मक सिरिज स्थगित भएको छ । अन्तर्राष्ट्रिय क्रिकेट काउन्सिल(आईसीसी)ले आफ्नो हरेक गतिविधि ३० जुन सम्मका लागि स्थगित गरेसागै नेपालको खेल पनि स्थगित भएको हो । 



कोरोनाको प्रभावका कारण यसअघि नै अमेरिकामा हुने भनिएको त्रिकोणात्मक सिरिज स्थगित भइसकेको छ। आईसीसीले कोरोनाको प्रकोपको कारण अन्य थप सिरिजहरु पनि स्थगित गरेको छ।


यसैअन्तर्गत नेपालले खेल्ने दुईवटा सिरिज स्थगित भएको हो। जसमा अप्रिल २० देखि २७ सम्म हुने भनिएको नेपाल, नामिबिया र स्कटल्यान्डबीचको खेल स्थगित गरिएको हो।


यस्तै २०२१ मा हुने भनिएको आइसीसी ट्वान्टी–२० वर्ल्डकपअन्तर्गत ६ रिजन क्वालिफाइङ इभेन्ट पनि स्थगित गरिएको हो। प्रकाशित : चैत्र १३, २०७६ १३:२३

ADVERTISEMENT
प्रतिक्रिया
पठाउनुहोस्
ADVERTISEMENT

ग्यास अभाव भएपछि आधा सिलिण्डर भरेर बेच्न निगमको निर्देशन

राजु चौधरी

काठमाडौँ — बजारमा ग्यास अभाव देखिएपछि नेपाल आयल निगमले आधार सिलिण्डर ग्यास भरेर बिक्री गर्न उद्योगहरुलाई निर्देशन दिएको छ । अब बजारमा ७.१ केजी ग्यास भरिएको सिलिण्डर पाइने छ । यति ग्यासको मूल्य ६ सय ८७ रुपैयाँ ५० पैसा पर्नेछ । 

आपूर्ति पर्याप्त भएपनि ग्यास अभाव कायमै भएपछि निगमले आधा ग्यास भरेर बेच्ने निर्णय गरेको हो। एउटा सिलिन्डरमा १४.२ किलो ग्यास हुन्छ। अब भने ७.१ किलो ग्यास मात्रै बिक्री गरिने निगमले जनाएको छ।
‘आपूर्तिको समस्या छैन, तर बजारमा अझै अभाव छ,’ निगमका कार्यकारी निर्देशक सुरेन्द्र कुमार पौडेलले भने, ‘सबैको पहुँच बनाउन आधा भरेर बेच्न भनेका छौं।’ ग्यास आयात भएपनि वितरण प्रणाली कमजोर छ।
कोरोना संक्रमण रोक्न भारतले २१ दिने लकडाउन घोषणा गरेपछि बजारमा ग्यास अभाव देखिन थालेको हो। उपभोक्ताले ग्यास नपाइने डरमा सञ्चिति गर्न थालेपछि अभाव देखिएको अनुमान छ। वितरणमा समस्या भए पनि निगमले भने ग्यास आपूर्तिमा समस्या नरहेको जनाएको छ।
‘आपूर्तिमा कुनै समस्या नभएपनि जुनकुनै बेला जेपनि हुनसक्छ,’ कार्यकारी निर्देशक पौडेलले भने, ‘७.१ किलो भरेर बेच्दा सबैको पर्हुँच पुग्छ। अभावको नाममा नयाँ सिलिन्डर बजार अआइरहेको छ। त्यो रोक्न पनि जरुरी छ।’
निगमका अनुसार मंगलबार करिब १ सय ४० बुलेट, बुधबार १ सय १० बुलेट ग्यास लोड भएको थियो। बिहीबार पनि करिब ८० बुलेट ग्यास लोड हुने अनुमान छ। तर, नेपालमा भण्डार नहुँदा समस्या भएको निगमले जनाएको छ।
‘हाम्रो भण्डार छैन। भारतमा लकडाउले चालकहरुलाई पनि समस्या छ,’ पौडेलले भने, ‘बजारको सिलिन्डर भरेर राख्न खोजेको छौ।’
एलपी ग्यास उद्योग सघका निवर्तमान अध्यक्ष शिवप्रसाद घिमिरेले निगमको चिठी बुधबार राति प्राप्त भएको बताए।
‘निगमले बुधबार निर्णय गरेर चिठी पठाएको छ,’ उनले भने, ‘आयात, ग्यास रिफिलिङ र वितरण कसरी गर्ने सन्दर्भमा छलफल गरिरहेका छौ।’
यसअघि नाकाबन्दीको बेला निगमले आधा मात्रै सिलिन्डर भनेर बितरण गरेको थियो।

प्रकाशित : चैत्र १३, २०७६ १३:१९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×