भारतबाट आएका २१ लाई क्वारेन्टाइनमा

डिल्लीराम खतिवडा

उदयपुर — भारतको सिलिगुडीबाट काँकडभिट्टा हुँदै उदयपुरको ताप्ली गाउँपालिका हिँडेका २१ जनालाई कटारी नगरपालिका–१ वेलसोतस्थित क्वारेन्टाइनमा राखिएको छ । कटारी बजार आइपुगेका उनीहरुलाई कटारी अस्पतालमा स्वास्थ्य जाँचपछि नेपाली सेनाको रणशार्दुल गणले ब्यारेक खाली गरेर बनाएको क्वारेन्टाइनमा पठाइएको हो ।

भारतको सिलिगुडीबाट १५ र बिहार तथा दिल्लीबाट आएका समेत गरी २१ जनाको स्वास्थ्य जाँचपछि क्वारेन्टाइनमा राखिएको प्रमुख जिल्ला अधिकारी दिपककुमार पहाडीले वताए।

स्थानीय प्रशासनसँग छलफलपछि ती २१ जनालाई क्वारेन्टाइनमा राखिएको कटारी नगरपालिका प्रमुख ज्ञानेन्द्र श्रेष्ठले बताए। नगरपालिका र उदयपुर उद्योग वाणिज्य संघ कटारीले क्वारेन्टाइमा राखिएकालाई आवश्यक सहयोग गर्ने छन्। आवश्यक चिकित्सक लगायतका सहयोगका लागि प्रदेश सरकारलाई जानकारी गराइएको छ।

बाटोमा आउने क्रममा सोधीखोजी गर्दा भारतको विभिन्न ठाउँबाट आएको जनाएपछि स्वास्थ्य परिक्षण गराइएकोलागि कटारी अस्पताल पाठाइएको इलाका प्रहरी कार्यालय कटारीका प्रहरी नायव उपरिक्षक प्रेमसागर केसीले बताए।
प्रकाशित : चैत्र १३, २०७६ १२:४३
ADVERTISEMENT
प्रतिक्रिया
पठाउनुहोस्
ADVERTISEMENT

लागूऔषधसहित एक पक्राउ 

कान्तिपु संवाददाता

परासी — पश्चिम नवलरासीमा प्रहरीले लागूऔषधसहित एक व्यक्तिलाई पक्राउ गरेको छ । बुधबार बेलुका सरावल गाउँपालिका–४ ललितपुरस्थित भित्री सडकमा चेक गर्ने क्रममा बर्दघाट नगरपालिका १३ का ५९ वर्षीय सुरेन्द्र चमारलाई लागूऔषधसहित प्रहरीले पक्राउ गरेको गरेको हो । 

जिल्ला प्रहरी कार्यालय पश्चिम नवलरासीका डीएसपी वीरेन्द्र थापाका अनुसार युपी १६ एच ७५७१ नम्बरको भारतीय मोटरसाइकलमा लुकाइछिपाइ ल्याउँदै गरेको ५ सय ७६ थान स्पास्मो, ६ सय थान नाईट्रोभेट र १ सय बोतल ओनरेक्स बरामद गरिएको हो ।

लक डाउनको समयमा ग्रामीण भेगमा सुरक्षा चेक नहुनेभ भन्दै लागूऔषध ओसार्ने गरिएको पाइएको प्रहरीले बतायो ।

पक्राउ परेका चमारलाई लागूऔषध ओसारपसार सम्बन्धि कसुरमा मुद्दा चलाइने छ ।

प्रकाशित : चैत्र १३, २०७६ १२:३४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×