राष्ट्रिय स्वतन्त्र पार्टी (रास्वपा) ले विजयी जुलुस र अबिरजात्रा नगर्न विजेता उम्मदेवारहरुलाई अपिल गरेको छ ।
काठमाडौँ — राष्ट्रिय स्वतन्त्र पार्टी (रास्वपा) ले विजयी जुलुस र अबिरजात्रा नगर्न विजेता उम्मदेवारहरुलाई अपिल गरेको छ । जेन-जी विद्रोह, मध्यपूर्वमा भएको घटना, सुशासन र भ्रष्ट्राचार नियन्त्रण गर्नुपर्ने गर्नुपर्ने जस्ता जिम्मेवारीका कारण रास्वपा उपाध्यक्ष डीपी अर्यालले एक भिडियो सन्देशमार्फत विजय जुलुस ननिकाल्न अपिल गरेका हुन् ।
पार्टी अध्यक्ष रवि लामिछाने र वरिष्ठ नेता बालेन्द्र शाहको निर्देशनसमेत रहेको भन्दै अर्यालले भने,‘उत्साह बनाउने र अबिरजात्रा गर्ने मुडमा हामीहरु छैनौँ । अहिले काम धेरै गर्नुपर्नेछ । काम गरेपछि बल्ल अबिरजात्रा गर्ने दिन आउँछ । हाललाई सबै उम्मेदवारहरुले मत गणनास्थलमा मतदाता र शुभेच्छुकहरुलाई धन्यवाद दिनेबाहेक कुनै र्याली नगराउन अपिल गर्दछु,’ उनले भनेका छन् ।
