काठमाडौँ — भदौ २३ र २४ को जेन–जी आन्दोलनपछि प्रदेश सरकारहरुको गति सुस्त देखिएको छ । पछिल्लो तीन महिनामा प्रदेश सरकारका नियमित कामकाज नै गतिमा देखिएका छैनन् ।

भदौ २४ मा प्रदर्शनकारीको आगजनीबाट कार्यालयसहित अधिकांश भाैतिक संरचना र कागजात क्षति भएपछि प्रदेश सरकारहरु लयमा फर्कन सकेका छैनन् ।

सबैजसो प्रदेशमा मन्त्रिपरिषद्  बैठक समेत नियमित हुन सकेको छैन । भाैतिक संचरना अभावकाे कारण देखाउदै असाेजयता प्रदेशसभा बैठक पनि नियमित हुन सकेको छैन । आर्थिक वर्षको ५ महिना बितिसक्दासम्म सबैजसाे प्रदेश सरकारको विकास खर्च न्यून देखिएको छ । 

चालु आर्थिक वर्षमा प्रदेश सरकारहरुको बजेट खर्च (२०८२ मंसिरसम्म) 
प्रदेश           बिनियोजित                            खर्च (मंसिरसम्म)    
कोशी         ३५ अर्ब ७७ करोड ९९ लाख     ४ अर्ब ४८ करोड २८ लाख     
मधेश         ४६ अर्ब ९८ करोड ३३ लाख       १ अर्ब ६२ करोड २८ लाख    
बागमती     ६७ अर्ब ४७ करोड ७३ लाख     ६ अर्ब ६४ करोड ६२ लाख     
गण्डकी      ३१ अर्ब ९७ करोड ९९ लाख      ३ अर्ब २५ करोड १५ लाख     
लुम्बिनी      ३८ अर्ब ९१ करोड                    ५ अर्ब ९८ करोड ९० लाख     
कर्णाली      ३२ अर्ब ९९ करोड                   २ अर्ब ३१ करोड    
सुदूरपश्चिम   ३३ अर्ब ५७ करोड ६० लाख   २ अर्ब ५३ करोड ६८ लाख