जेनजीको सोमबारको प्रदर्शन तनावपूर्ण बनेपछि सुरक्षा प्रमुखहरु गृह मन्त्रालयमा भेला भएका छन् ।
काठमाडौँ — जेनजीको सोमबारको प्रदर्शनमा सरकारले अत्यधिक बल प्रयोग गरेको छ ।
प्रदर्शनका क्रममा दर्जनौं प्रदर्शनकारी घाइते भएका छन् । घाइतेमध्ये सिभिल अस्पतालमा एक जनाको मृत्यु भइसकेको छ ।
प्रदर्शनमा उत्रिएकामाथि प्रहरीले गोली प्रहार गरेको छ । उता स्थिति तनावपूर्ण बनेपछि सुरक्षा प्रमुखहरु गृह मन्त्रालयमा भेला भएका छन् । जिल्ला प्रशासन काठमाडौंले प्रदर्शन नियन्त्रणमा ल्याउन सोमबार राति दस बजेसम्मका लागि तीनकुने, बानेश्वर,माइतीघर क्षेत्रमा कर्फ्यु जारी गरिसकेको छ ।
नेपाल प्रहरी, सशस्त्र प्रहरी र जनपद प्रहरीका प्रमुखहरु गृह मन्त्रालयमा भेला भएका हुन् ।
