सचिवमा ओलीले प्रस्ताव गरेका सबै उम्मेदवार विजयी, आचार्य र कार्की पराजित- समाचार - कान्तिपुर समाचार
कान्तिपुर वेबसाईट
AdvertisementAdvertisement

सचिवमा ओलीले प्रस्ताव गरेका सबै उम्मेदवार विजयी, आचार्य र कार्की पराजित

कान्तिपुर संवाददाता

काठमाडौँ — एमालेको सचिवमा केपी शर्मा ओलीले प्रस्ताव गरेका सबै उम्मेदवार विजयी भएका छन् । ७ सचिव पदका लागि ९ जनाले उम्मेदवारी दिएका छन् ।

गोकर्ण विष्टले सर्वाधिक १९७४, योगेश भट्टराईले १९६०, टोपबहादुर रायमाझीले १८०४, छविलाल विश्वकर्माले १८०३, पद्मा अर्यालले १७९९, लेखराज भट्टले १७०४, रघुवीर महासेठले १५०० मत ल्याएर विजयी भए ।

ओ‌लीको सूचीमा नपरेका निर्वतमान सचिव भीम आचार्य र चीनका लागि पूर्व राजदूतसमेत रहेका नेता टंक कार्की पराजित भए । आचार्यले ७८८ र कार्कीले ५५९ मत प्राप्त गरे ।

यस्तै, एमालेका अन्य पदाधिकारीमा ओलीले बन्दसत्रमा प्रस्ताव गरेका सबै नै निर्वाचित भएका छन् ।

*नोट : अन्तिम मत परिणामअनुसार पदाधिकारीहरुले प्राप्त गरेको मत संख्या अद्यावधिक गरेर सच्याइएको छ ।

प्रकाशित : मंसिर १४, २०७८ १६:२४
प्रतिक्रिया
पठाउनुहोस्

बिलबिजक जारी नगर्ने फ्रिस्टाइल र सिद्धी विनायकलाई २०/२० हजार जरिवाना

कान्तिपुर संवाददाता

काठमाडौँ — बिलबिजक जारी नगरी कारोबार गर्ने फ्रिस्टाइल क्लोथिङ र सिद्धी विनायक स्वीट्स प्रालि कारबाहीमा परेका छन् । वाणिज्य आपूर्ति तथा उपभोक्ता संरक्षण विभागले सोमबार गरेको अनुगमनमा काठमाडौं नगरपालिका १ मा रहेको क्लोथिङ र भक्तपुरको ठिमी नगरपालिका १ मा रहेको स्वीट्सलाई २०/२० हजार रुपैयाँ जरिवाना गरिएको हो । 

विभागका निरीक्षक अधिकृत धनेश्वर पौडेलका अनुसार दुबै पसलले बिलबिजक जारी नगरी कारोबार गरेका थिए । स्वीट्सले सरसफाईमा समेत लापरवाही गरेपछि उपभोक्ता संरक्षण ऐन अनुसार अनुगमनस्थलमै जरिवाना गरिएको उनले बताए ।

‘बिलबिजकसँगै सरसरफाइमा समेत ध्यान नदिएपछि ऐनको दफाअनुसार २०/२० हजार रुपैयाँ जरिवाना गरेका छौँ’ उनले भने । यस्तै, विभागको अनुगमन टोलीले पाटन सुज सेन्टर र लेडिज प्लाटिनियमलाई कागजातसहित ३ दिनभित्र उपस्थित हुन निर्देशन दिएको छ ।


प्रकाशित : मंसिर १४, २०७८ १६:०९
पूरा पढ्नुहोस्
प्रतिक्रिया
पठाउनुहोस्
x
×