अध्यक्ष मण्डलको बैठक सुरु - समाचार - कान्तिपुर समाचार
एमाले महाधिवेशन

अध्यक्ष मण्डलको बैठक सुरु 

कान्तिपुर संवाददाता

काठमाडौँ — एमाले अध्यक्ष केपी शर्मा ओली सहमतिको प्रस्ताव बोकेर महाधिवेशनको बन्दसत्र हलमा प्रवेश गरेपछि  अध्यक्षमण्डलको बैठक सुरु भएको छ । 

अध्यक्षमण्डलको बैठकले अब महाधिवेशनका आजको कार्यक्रम र निर्वाचन लगायतका प्रक्रियाबारे निर्णय गर्ने छ । ओलीले सहमतिका लागि पेस गरेको प्रस्ताव पनि बन्दसत्रमा पेस गर्ने तयारी छ ।

अध्यक्ष ओलीले दिनभर ३०१ जना केन्द्रीय सदस्यहरूमा कसलाई राख्ने भन्नेबारे छलफल गरेका थिए ।

करिब सहमतिको खाका तयार भएकाले बन्दसत्र सुरु भएको हो । बन्दसत्र हलबाहिर भने चर्को ओलीको समर्थनमा चर्को नाराबाजी भइरहेको छ । ‘वी लभ यू केपी बा’ भन्दै नारा लगाइरहेका छन् ।

प्रकाशित : मंसिर १२, २०७८ २२:०७
प्रतिक्रिया
पठाउनुहोस्

ओली बन्दसत्र हल प्रवेश गर्दा नारा लाग्यो– ‘वी लभ यू केपीबा’

कान्तिपुर संवाददाता

काठमाडौँ — एमाले अध्यक्ष केपी शर्मा ओली सहमतिको प्रस्ताव बोकेर महाधिवेशनको बन्दसत्र हलमा प्रवेश गरेका छन् । 

उनी प्रवेश गर्दैगर्दा उनका समर्थकहरूले हल बाहिर चर्को नाराबाजी गरेका छन् । उनीहरूले ‘वी लभ यू केपी बा’ भन्दै नारा लगाइरहेका छन् । उनीहरूले ‘पार्टी फुटाउने मतियार होसियार’ भन्दै नाराबाजी गरिरहेका छन् ।

प्रकाशित : मंसिर १२, २०७८ २१:५१
पूरा पढ्नुहोस्
प्रतिक्रिया
पठाउनुहोस्
×