तत्काल क्यू आर कोडका लागि आवेदन लिने कार्य स्थगित, अनलाइन फाराम भर्न सकिने
काठमाडौँ — स्वास्थ्य तथा जनसंख्या मन्त्रालयले कीर्तिपुरमा कोरोना खोप लगाएर आवेदन बुझाएका व्यक्तिहरुले क्यूआर कोडसहितको प्रमाणपत्र जारी नभएसम्मका लागि थप आवेदन फाराम लिने कार्य स्थगित गरेको छ ।
केहिदिन अघि मन्त्रालयले कीर्तिपुरमा रहेको राष्ट्रिय आयुर्वेद अनुसन्धान तथा तालिम केन्द्रबाट खोपको विद्युतीय प्रमाणपत्र लिन सकिने व्यवस्था मिलाएको थियो ।
बुधबार एक सूचना जारी गर्दै अनलाइन फारामका लागि भने https://vaccine.mohp.gov.np/public-request-form लिंकमा गएर भर्न सकिने जनाएको छ ।
प्रमाणपत्र तयार भयो कि भएन भनेर जान्नका लागि https://vaccine.mohp.gov.np/search गएर क्यू आर कोडसहितको प्रमाणपत्रको लिंक प्राप्त हुने सूचना मार्फत जानकारी गराइएको छ ।
प्रतिक्रिया