तिलोत्तमा — बुटवलमा रहेको कोरोना विशेष अस्पतालमा थप एक जना कोरोना संक्रमितको मृत्यु भएको छ । बुटवल–१० का ६९ वर्षीय पुरुषको शनिबार बिहान एक बजे मृत्यु भएको अस्पतालका सूचना अधिकारी डाक्टर विष्णु गौतमले बताए ।
डाक्टर गौतमका अनुसार कोरोना पुष्टि भएपछि उनी गत भाद्र २२ गते अस्पताल भर्ना भएका थिए । ती पुरुषमा निमोनियाको समस्या देखिएको थियो ।
अक्सिजन दिई उपचार चलिरहेको अवस्थामा श्वासप्रश्वासमा समस्या भइ मृत्यु भएको डाक्टर गौतमले जानकारी दिए ।