धुलिखेल अस्पतालमा मृत्यु भएकी महिलाको परिवारको स्वाब संकलन

स्वासप्रस्वासमा समस्या र ज्वरो पनि देखिएपछि धुलिखेल अस्पतालले मृतक महिलाको स्वाब शुक्रबार बिहान निकालेर पीसीआर विधिबाट परीक्षण गर्दा कोरोना देखिएको स्रोतले जनाएको छ । पुनः परीक्षणको लागि टेकुस्थित राष्ट्रिय जनस्वास्थ्य प्रयोगशालामा पठाइएको छ ।

‘हामीले शव लैजान खोजेका थियौं । कोरोना हो कि भनेर परीक्षण गर्ने भनेर लान दिएन,’ मृतकका आफन्तले भने, ‘आज बिहान रिपोर्ट आएपछि हामी यहाँका डाक्टरले कसैलाई नुछुनु भनेर छुट्टै कोठामा राखेको छ ।’

अस्पतालले शनिबार दिउँसो मृतकको श्रीमान, सासु र नन्दको स्वाब निकालिसकेको छ । ‘हाम्रो स्वाब दिउँसै निकालेर परीक्षण गर्न लगिसक्यो,’ आफन्तले भने, ‘बच्चाको पनि परीक्षण गर्न लागेको छ ।’

ती महिला २३ गते टिचिङ अस्पतालमा भर्ना भएर २४ गते सुत्केरी भएकी थिइन् । सुत्केरीको अवस्था सामान्य भएपछि २५ गते उनीहरु बाह्रबिसे गएका थिए ।