कान्तिपुर वेबसाईट
AdvertisementAdvertisement

सेनाका ब्यारेक 'लक-डाउन' 

कान्तिपुर संवाददाता

काठमाडौँ — नेपाली सेनाले देशभरका पृतनाहरुलाई आन्तरिक सर्कुलर गर्दै फौजलाई ब्यारेकबाट बाहिर जान निषेध गरेको छ । सैनिक मुख्यालयले आठ वटै पृतना तथा त्यस मातहतका युनिटहरुलाई सम्भावित संक्रमण नियन्त्रण गर्न फौजलाई बाहिर निस्कन निषेध गरेको हो ।


लक डाउनसँगै ब्यारेक हाताभित्र रहेका सबै तहका सैनिकको खाटको दूरी पनि एक मिटर टाढा राख्‍ने गरी व्यवस्था गरिएको छ।


सेनाका प्रवक्ता सहायक रथी विज्ञानदेव पाण्डेले भने,'ब्यारेकभित्रका सबै सक्कल दर्जाहरुलाई भित्रै रहने गरी लक डाउन गरिएको छ।'


लक डाउनसँगै अति आवश्यक काममा बाहिर निस्कनु परे कमाण्डरको अनुमति र स्वास्थ्यकर्मीबाट अनिवार्य स्वास्थ्य जाँच गराउनुपर्ने व्यवस्था मिलाइएको छ।


यो पनि पढ्नुहोस्ः

पृतनाहरुलाई लकडाउनको पूर्व तयारी योजना बनाउन सैनिक मुख्‍यालयको निर्देशन प्रकाशित : चैत्र १०, २०७६ १६:५४

ADVERTISEMENT
प्रतिक्रिया
पठाउनुहोस्

सभामुख सापकोटाले कोरोना रोकथाम कोषलाई एक महिनाको तलब दिने

कान्तिपुर संवाददाता

काठमाडौँ — सभामुख अग्‍निप्रसाद सापकोटाले 'कोरोना संक्रमण रोकथाम तथा नियन्त्रण कोष'मा एक महिनाको रकम जम्मा गर्ने भएका छन् । मन्त्रिपरिषद्को आइतबार बसेको बैठकले कोरोना संक्रमण रोकथाम तथा नियन्त्रण कार्यमा खर्च गर्नका लागि रकम जुटाउन कोष स्थापना गरेको थियो ।

सरकारको कोष स्थापना गर्ने कदमको स्वागत गर्दै सभामुख सापकोटाले सोमबार आफ्‍नो एक महिनाको पारिश्रमिक उपलब्ध गराउने निर्णय गरेका हुन्। उनले संसद सचिवालयलाई आफ्नो एक महिनाको पारिश्रमिक कोषमा जम्मा गर्न निर्देशन दिएका छन्।

सभामुखको एक महिनाको पारिश्रमिक ६७ हजार ३ सय २० रुपैयाँ रहेको छ।

राष्ट्रिय सभाका अध्यक्ष गणेशप्रसाद तिमिल्सिनाले पनि उक्त कोषमा आफ्‍नोएक महिनाको पारिश्रमिक दिने घोषणा गरिसकेका छन्।

सभामुख सापकोटाले संघीय संसद सचिवालयमा स्थापना गरिएको आइसोलेसन वार्डको पनि अनुगमन गरेका छन्। संसद सचिवालय सिंहदरबारमा सांसद, संसद सचिवालयका कर्मचारी र अन्य व्यक्तिहरूलाई सेवा दिनका लागि आइसोलेसन वार्ड स्थापना गरिएको हो।

सम्बन्धित समाचारः

प्रकाशित : चैत्र १०, २०७६ १६:४७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
×