सीमा नाकाबाट भित्रिएका नेपालीलाई सेल्फ क्‍वारेन्टाइनमा राख्‍न गृहको परिपत्र

क्वारेन्टाइन बसे–नबसेको अनुगमन गर्न पनि निर्देशन
मातृका दाहाल

काठमाडौँ — सरकारले भारतीय सीमाबाट भित्रिएका सबै नेपाली नागरिकलाई अनिवार्य सेल्फ क्वारेन्टाइनमा राख्‍ने गरी व्यवस्था मिलाउन सबै जिल्ला प्रशासन कार्यालयहरुलाई परिपत्र गरेको छ । त्यस्ता नागरिकको निगरानी गर्न नेपाली प्रहरी र सशस्त्र प्रहरीलाई पनि आइतबार निर्देशन दिइएको हो ।

गृह मन्त्रालयका सह–प्रवक्ता उमाकान्त अधिकारीका अनुसार आइतबार देशभरका प्रमुख जिल्ला अधिकारी, नेपाल प्रहरी र सशस्त्र प्रहरीलाई परिपत्र गर्दै कोरोनाको सम्भावित जोखिम न्यूनिकरणका लागि त्यस्तो निर्देशन दिइएको छ ।


गृहको परिपत्र अनुसार सीमाबाट भित्रिएका नागरिकको संक्षिप्त व्यक्तिगत विवरण अभिलेख राख्‍ने, कुन जिल्ला र स्थानीय तह जान लागेको हो त्यसको समेत विवरण तयार पार्ने र त्यसलाई कार्यान्वयन गर्न स्थानीय प्रशासन र सुरक्षा निकायहरुलाई पठाउने व्यवस्था गर्न निर्देशन दिइएकाे अधिकारीले बताए ।


सोही विवरणका आधारमा सीमाबाट भित्रिएका नेपाली सेल्फ क्वारेन्टाइन बसे-नबसेको नियमित अनुगमन गर्ने र स्थानीय पालिकाहरुलाई सोही अनुसार अनुगमन गर्न पनि गृहले आइतबार निर्देशन दिएको छ ।

प्रकाशित : चैत्र ९, २०७६ १३:५१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

पाँच दिनमा ५ लाख २६ हजार ७६४ जनाले उपत्यका छाडे

विमल खतिवडा

काठमाडौँ — कोरोना भाइरस (कोभिड–१९)को सम्भावित जोखिमबाट बच्‍न उपत्यका छाड्नेको संख्या दैनिक बढ्दो छ । महानगरीय ट्राफिक प्रहरी महाशाखाका अनुसार बुधबारयता ५ लाख २६ हजार ७ सय ६४ जनाले उपत्यका छाडिसकेका छन् । महानगरीय ट्राफिक प्रहरी महाशाखा प्रमुख (एसएसपी) भीमप्रसाद ढकालका अनुसार आइतबार बिहान ६ बजेदेखि १० बजेसम्म ५६ हजार ६ सय ४७ जनाले उपत्यका छाडेका छन् ।

यही दिन ९ हजार ४ सय २७ जना उपत्यका भित्रिएका छन् । त्यस्तै आइतबार बाहिरिने यात्रु बसको संख्या ८ हजार ९ रहेको छ भने भित्रिनेको संख्या ३ हजार ७ सय ५३ रहेको छ । सबै भन्दा बढी शनिबार १ लाख ८६ हजार ५ सय ४९ जनाले उपत्यका छाडेका छन् । सोमबारबाट लामोदुरीका सवारी सञ्चालनमा रोक लागउने सरकारको निर्णयले गर्दा बसपार्क र टिकट काउन्टरमा यात्रुको भिड बढेको हो । विद्यालय, कलेज बन्द भएपछि घर फर्कने बढी छन् ।

हेर्नुहोस्, उपत्यकाबाट कुन दिन कति यात्रु र सवारी साधन बाहिरिएः

बारउपत्यकाबाट बाहिरिने यात्रु संख्याउपत्यकाबाट बाहिरिने सवारी साधन संख्या
बुधबार९५,२४७
१७,५२४
बिहीबार८९,८०४
१६,८२४
शुक्रबार९८,५१७
१४,३३८
शनिबार
१,८६,५४९ २७,२६०
आइतबार(बिहान ६ देखि १० बजेसम्म)
५६६४७

८००९


प्रकाशित : चैत्र ९, २०७६ १३:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×