१६.१२°C काठमाडौं
काठमाडौंमा वायुको गुणस्तर: २०

उदयपुरको त्रियुगामा कांग्रेसको अग्रता कायमै 

डिल्लीराम खतिवडा

उदयपुर — उदयपुरको त्रियुगा नगरपालिकामा ३ दिनयता मतगणना जारी छ । पछिल्लो मतपरिणामअनुसार नेपाली कांग्रेसबाट मेयरका उम्मेदवार वसन्त बस्नेतले ८ सय ३५ मतले अग्रता लिइरहेका छन् ।

उदयपुरको त्रियुगामा कांग्रेसको अग्रता कायमै 

बस्नेतले ५ हजार ८ सय २० मत प्राप्त गरेका छन् । उनलाई नेकपा(एकीकृत समाजवादी)का उम्मेदवार बलदेव चौधरीले ४ हजार ९ सय ८५ मतसहित पछ्याइरहेका छन् । तेस्रो स्थानमा रहेका एमालेका उम्मेदवार भागवत राउतले ४ हजार ३ सय ७८ मत प्राप्त गरेको मुख्य निर्वाचन अधिकृतको कार्यालयले जनाएको छ ।

त्यसैगरी उपमेयरमा कांग्रेसकै सरिता राईले ५ हजार २ सय ६० मत लिएर अग्रता कायम गरेकी छन् । उनी सुरुदेखि नै अगाडि नै थिइन । एमालेकी महेश्वरी राईले ४ हजार ८ सय ५५ मतका साथ पछयाइरहेकी छन् । भने तेस्रो स्थानमा माओवादी केन्द्रकी गीता खड्का कार्कीले ३ हजार ९ सय ११ मत प्राप्त गरेकी छन् ।

१६ वडा रहेको त्रियुगा नगरपालिकामा अहिलेसम्म १, २, १४,१५ र १६ नम्बर वडाको मतगणना सम्पन्न भई परिणामसमेत सार्वजनिक भइसकेको सहायक निर्वाचन अधिकृत दिलिप मगरले बताए ।

त्रियुगा नगरपालिका उदयपुर जिल्लाको सदरमुकाम भएको र मतदान विवाद भएकोले मतगणनालाई सर्वसाधरणले धेरै चासो राखेका छन । यहाँ ६० हजार मतदाता रहेकोमा ४१ हजार ८ सय ९८ मत खसेको छ । अहिलेसम्म १७ हजार ४ सय १४ मत मात्रै गणना गरिसकिएको छ ।

प्रकाशित : जेष्ठ १३, २०७९ ०८:०९
प्रतिक्रिया
पठाउनुहोस्
जनताको राय

एनसेल सेयर खरिद–बिक्री प्रकरणमा नियामक निकाय निष्क्रिय राखेर छुट्टै छानबिन समिति गठन गर्नुको कारण के हो?