सुनसरीको रामधुनी नगरमा एमाले उम्मेदवार निर्वाचित
सुनसरी — सुनसरीको रामधुनी नगरपालिकाको मेयर र उपमेयरमा नेकपा एमालेका शंकरलाल चौधरी र तारा थापा निर्वाचित भएका छन् ।
एमालेका उम्मेदवार चौधरीले १३ हजार ७ सय ७२ मत ल्याएर निर्वाचित हुँदा उनका निकटम प्रतिद्वन्द्वी नेपाली कांग्रेसका सुदीप अधिकारीले ११ हजार ४ सय ३५ मत प्राप्त गरे ।
उपेयरमा थापाले १३ हजार १ सय २८ मत ल्याएर निर्वाचित हुँदा निकटम प्रतिद्वन्द्वी कांग्रेसकी उम्मेदवार आशाकुमारी चौधरीले १० हजार ४ सय ९३ मतमात्र ल्याइन् । यसअघि २०७४ को स्थानीय तह निर्वाचनमा मेयर जितेको कांग्रेसले यस पटकको निर्वाचनमा उक्त पद गुमाएको छ । उपमेयर भने एमालेले जितेको थियो ।