चन्द्रागिरी नगरपालिकामा कांग्रेसका गिरी र एमालेकी श्रेष्ठ निर्वाचित
काठमाडौँ — काठमाडौंको चन्द्रागिरी नगरपालिकामा नेपाली कांग्रेसका निवर्तमान मेयर घनश्याम गिरी र नेकपा एमालेकी बसन्ती श्रेष्ठ निर्वाचित भएका छन् । निर्वाचन अधिकृत सिर्जना थपलियाका अनुसार कांग्रेसका गिरीले १५ हजार ४७५ मत प्राप्त गर्दै दोस्रोपटक मेयरमा निर्वाचित भए ।
उनका निकटतम प्रत्यासी उत्तमबहादुर राउतले १४ हजार ६५१ मत पाए । उपमेयरमा निर्वाचित एमालेकी श्रेष्ठले १५ हजार ५६४ मत पाइन् भने राष्ट्रिय जनमोर्चाका रोशन दानीले ४ हजार ४५९ मत पाए ।
यहाँ कांग्रेस-जनमोर्चाबीच गठबन्धन थियो ।