अर्घाखाँचीको शितगंगा-१२ को वडाध्यक्षमा गोलाप्रथाबाट कांग्रेसका घर्ती निर्वाचित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

अर्घाखाँचीको शितगंगा-१२ को वडाध्यक्षमा गोलाप्रथाबाट कांग्रेसका घर्ती निर्वाचित

वीरेन्द्र केसी

अर्घाखाँची — शितगंगा नगरपालिका–१२ को वडाध्यक्षमा गठबन्धनबाट नेपाली कांग्रेसका उम्मेदवार चोपबहादुर घर्ती र एमाले उम्मेदवार सञ्जय रानाका दुवैले बराबरी मत पाएपछि गोलाप्रथाबाट कांग्रेसका घर्ती विजयी भएका छन् । दुवै मत परिणाम समान ७ सय ६८ आएपछि विवाद हुँदा घोषणा गर्न बाँकी रहेको वडाध्यक्षलाई दुई दिनपछि गोलाप्रथाबाट विजेता घोषणा गरिएको हाे । 

गोलाप्रथाबाट कांग्रेसका घर्ती वडाध्यक्षमा निर्वाचित भएका छन् । मंगलवार नै अन्तिम मतगणना सकिएको थियो । दुवै जनाको मत बराबर आएपछि मतगणस्थल बाहिर आशंका व्यक्त गर्दै विरोध प्रदर्शन भएको थियो । विवाद भएपछि केही घण्टा मतगणना स्थगित भएको थियो ।

विवाद मिल्न नसकेपछि वडा १२ को अन्तिम मतपरिणाम सर्वजनिक गर्न थाती राख्दै बाँकी वडाको मतमरिणाम गणना भएको हो । राती दुई बजेतिर सबै मतगणना सकिएपछि नगप्रमुखमा कांग्रेसका छविलाल पौडेल र उपप्रमुखमा एमालेकी गिता भाट विजयी भएको निर्वाचन अधिकृतको कार्यालयले घोषणा गरेको थियो ।

विहीबार दिउँसो दलको बैठक बसेर गोलाप्रथाबाट छनोट गर्ने सहमति भएपछि विहीबार बेलुकापख गोला थुताएर वडाध्यक्षमा कांग्रेसका चोपबहादुर घर्ती छनोट भएको निर्वाचन अधिकृत श्याम सुन्दर चौधरीले बताए ।

चार जना वडा सदस्यमा भने एमालेका निर्वाचित भएका छन् ।

प्रकाशित : जेष्ठ ५, २०७९ १९:४८
प्रतिक्रिया
पठाउनुहोस्

अघिल्लो सरकारले ल्याएको बजेट नै कार्यान्वयन गरिरहेको छु : अर्थमन्त्री शर्मा

कान्तिपुर संवाददाता

काठमाडौँ — अर्थमन्त्री जनार्दन शर्माले अघिल्लो सरकारले ल्याएको बजेट नै कार्यान्वयन गरिरहेको बताएका छन् । बिहीवार राष्ट्रिय सभाको बैठकमा आगामी आर्थिक वर्ष २०७९/०८० लागि विनियोजन विधेयकको सिद्धान्त र प्राथमिकताबारे सांसदहरुले उठाएको प्रश्नको जवाफ दिर्दै अर्थमन्त्री शर्माले यस्तो बताएका हुन् ।

मन्त्री शर्माले अघिल्लो सरकारले ल्याएको १४ सय वटा सडकले कुनै पनि परिणाम नदिने भएका कारण हटाएको बताए । उनले त्यो बेला टेन्डर भएका सडकलाई भने आफुले नरोकेको समेत जानकारी दिए ।

अघिल्लो सरकारले ल्याएका कार्यक्रम कार्यान्वयन नभएको भन्ने विषयमा शंका गर्न आवश्यक नभएको भन्दै मन्त्री शर्माले अब सरकारले आफ्ना कुरा, सदनले आफ्ना कुरा र जनताले आफ्ना कुरा नभएर सरकार, सदन र जनताका एउटै कुरा, एउटै संकल्प गरेर देशको गरिवी अन्त्य गर्न लाग्नुपर्ने आवश्यकता रहेकोमा जोड दिए ।

‘विगत सरकारले गरेका कार्यक्रमहरुलाई न्युनिकरण गरियो कि भन्ने प्रश्न छ त्यो भ्रम मात्रै हो । अघिल्लो सरकारले ल्याएका १४ सय सडकहरु २४ लाखका थिए । त्यसलाई कार्यन्वयन नगर्ने भनेर राखिएको थियो, प्रतिस्थापन विद्येयक राख्दा त्यो कुरामा समग्रलाई राखेर सबै कटाइयो भनेको जस्तो गरियो,’ उनले भने, ‘ती सडक बनेर लाभ दिने र खर्च हुने अवस्थाहरु पनि थिएन । त्यसमा टेण्डर भएर अगाडि बढेका आयोजनालाई रोकिएको छैन ।’

अर्थमन्त्री शर्माले मुलुकमा समाजवादउन्मुख अर्थतन्त्र बनाउनको लागि उत्पादन र उत्पादत्व बढाउनु पर्ने आवश्यकता भएकाले आगामी वर्षको बजेटको प्राथमिता त्यता तिर रहेको बताए । उनले राजनीतिक दलहरुले आर्थिक क्षेत्र र विकासलाई राजनीतिकरण नगरेर राष्ट्रको हितको लागि सोची राष्ट्रिय संकल्प गर्नु पर्ने अवस्था आएको बताए ।

प्रकाशित : जेष्ठ ५, २०७९ १९:४२
पूरा पढ्नुहोस्
प्रतिक्रिया
पठाउनुहोस्
×