गोरखाको ताराखसेमा प्रहरीको गोली लागी स्वयंसेवक घाइते- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

गोरखाको ताराखसेमा प्रहरीको गोली लागी स्वयंसेवक घाइते

हरिराम उप्रेती

गोरखा — गोरखाको भीमसेन थापा गाउँपालिका–२ ताराखसे मतदान केन्द्रमा प्रहरीले भीडलाई नियन्त्रणमा लिन गोली चलाएको छ । प्रहरीको गोली लागेर मतदान केन्द्रमा खटिएका स्वयंसेवक घाइते भएकी छिन् । 

मतदानको विषयलाई लिएर कांग्रेस र माओवादीबीच विवाद बढेपछि स्थिति नियन्त्रणमा लिन प्रहरीले गोली चलाएको हो ।

‘मतदानस्थलभित्रै पसेर कांग्रेस माओवादी भिड्न थाले, बुथ संरक्षण गर्न र स्थिति नियन्त्रणमा लिन गोली चलाउनुपर्‍यो,’ एसपी केदार खनालले भने । स्वयंसेवक मनिषा थापा घाइते भएको खनालले बताए । थापाको तिघ्रामा गोली लागेको छ ।

प्रकाशित : वैशाख ३०, २०७९ १७:३४
प्रतिक्रिया
पठाउनुहोस्

पाँचखाल–१३ मा पुन: मतदान हुने

नगेन्द्र अधिकारी

काभ्रे — पाँचखाल–१३, कोशीदेखामा पुन: निर्वाचन हुने भएको छ । वैशाख ३० गते भएको निर्वाचनमा यहाँस्थित श्रीराम मतदान केन्द्रमा विवाद भएपछि स्थगित गर्ने निर्णय भएको निर्वाचन अधिकृत जीवनप्रसाद दुलालले जानकारी दिए ।

नयाँ मितिबारे निर्वाचन आयोगले निर्णय गर्ने उनले जानकारी दिए ।

छलफलपछि पनि पुन: सुचारु गर्ने स्थिती नबनेपछि स्थगित गरिएको दुलालले जानकारी दिए ।

२ वटा मतदान केन्द्र रहेको विद्यालमा १७ सय ७८ मतदाता थिए । निर्वाचनमा खटिएका कर्मचारीले एमालेका एक स्थानीय नेतालाई एकैपटक १० वटा मतपत्र दिन लागेको भन्दै कांग्रेसका कार्यकर्ताले सो मतपत्र नियन्त्रणमा लिएपछि सुरु भएको विवाद झडपमा परिणत भएको थियो ।

मतदानको लागि प्रयोग भएका टेबल, कुर्सी तोडफोड भएको थियो । करिब ३ सय मत खसेपछि विवाद सुरु भएको थियो ।

प्रकाशित : वैशाख ३०, २०७९ १७:३२
पूरा पढ्नुहोस्
प्रतिक्रिया
पठाउनुहोस्
×