विराटनगरका एमाले उपमेयर उम्मेदवार कार्की र निर्वाचन आयोगविरुद्ध सर्वोच्चमा रिट- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

विराटनगरका एमाले उपमेयर उम्मेदवार कार्की र निर्वाचन आयोगविरुद्ध सर्वोच्चमा रिट

कान्तिपुर संवाददाता

काठमाडौँ — विराटनगर महानागरपालिकमा एमालेकी उपमेयर उम्मेदवार शिल्पा कार्कीविरुद्ध सर्वोच्च अदालतमा रिट दायर भएको छ । कोसी अञ्चल अस्पताल विकास समितिको सदस्यबाट राजीनामा नगरी उम्मेदवार बनेको, उम्मेदवारी दर्ताका क्रममा किर्ते कागज पेस गरेको भन्दै उम्मेदवारी खारेजीको माग गर्दै रिट दायर भएको हो । 

गठबन्धनबाट विराटनगर महानगरपालिकामा जसपाका उपमेयर उम्मेदवार अमरेन्द्र यादवले एमाले उम्मेदवार कार्कीसँगै निर्वाचन आयोगलाई पनि विपक्षी बनाएका छन् ।

प्रष्ट आधारसहित उजुरी दिँदा पनि उम्मेदवारी खारेज नगरेको भन्दै यादवले निर्वाचन आयोगलाई विपक्षी बनाएका हुन् । कार्कीको राजीनामा पत्र किर्ते हो भन्ने जान्दाजान्दै मुख्य निर्वाचन अधिकृतको कार्यालयले उम्मेदवारी सदर हुने गरी उजुरी खारेज गरेकाले आयोगलाई विपक्षी बनाएको यादवले बताए ।

'निर्वाचन ऐनअनुसार लाभको पदमा बहालवाला व्यक्ति राजीनामा नगरी उम्मेदवार हुन नपाउने व्यवस्था छ तर आयोगले आफ्नो कानुनी व्यवस्था नै पालना गरेन,' उनले भने ।

यादवको रिटमा बिहीबार सुनुवाइका लागि पेसी तोकिएको छ ।

प्रकाशित : वैशाख २१, २०७९ १३:५८
प्रतिक्रिया
पठाउनुहोस्

त्रिभुवन अन्तर्राष्ट्रिय विमानस्थलको आन्तरिक उडान पुनः सुरु

कान्तिपुर संवाददाता

काठमाडौँ — त्रिभुवन अन्तर्राष्ट्रिय विमानस्थलको आन्तरिक उडान पुनः सुरु भएको छ । बुधबार विमानस्थलको आन्तरिक टर्मिनल बिल्डिङतर्फ ७ वटा बम रहेको सूचना आएपछि अवरुद्ध भएको आन्तरिक उडान सेवा पुनः सुरु भएको हो ।

बुधबार बिहान विदेशबाट एक अज्ञात व्यक्तिले फोन गरेर विमानस्थलको आन्तरिक टर्मिनल बिल्डिङतर्फ ७ ठाउँमा बम राखेको सूचना दिएपछि आन्तरिक उडान–अवतरण सेवा करिब १ घण्टासम्म अवरुद्ध भएको थियो । बम रहेको सूचना पाएपछि विमानस्थल प्रशासन र सुरक्षाकर्मीहरुले विमानस्थल क्षेत्रको जाँच गरेका थिए । जसमा कुनै पनि शंकास्पद वस्तु नरहेको प्रमाणित भएको छ ।

सूचना फैलाउने व्यक्तिले भ्रामक सूचना दिएकाले प्रहरीले उक्त भ्रामक सूचना दिने व्यक्तिको बारेमा अनुसन्धान गरिहेको जनाएको छ । सञ्चारकर्मीहरुसँगको कुराकानीमा विमानस्थलका प्रवक्ता टेकनाथ सिटौलाले कार्यालयको टेलिफोनमा ९:४० देखि ९:५० को बीचमा दुई पटक फोन गरेर बम राखेको सूचना दिएकोले अनुसन्धान गरेको तर कुनै पनि शंकास्पद उनले जानकारी दिए । पाकिस्तानी नम्बरबाट आए पनि भ्रामक सूचना दिने व्यक्तिले नेपालीमा कुरा गरेको उनले बताए ।

‘आज त्रिभुवन अन्तर्राष्ट्रिय विमानस्थलको आन्तरिक टर्मिनलमा ६/७ वटा बम रहेको र यो बम २ घण्टाभित्रमा विस्फोट हुन्छ भनेर बाहिरबाट टेलिफोन आएको थियो । अफिसको टेलिफोन एक्सचेन्जमा । ९ बजेर ४० मिनेटदेखि ९ बजेर ५० मिनेटको बीचमा त्यही मानिसले गरेको थियो,’ उनले भने, ‘हामीले तत्काल विमानस्थल प्रशासन, कार्यरत सुरक्षा निकाय, नेपाली सेना, नेपाल प्रहरी, सशस्त्र प्रहरी, जनपथ प्रहरीले डिस्पोजल टोली बोलाएर अनुसन्धान थाल्यो ।

हामीले सबै क्षेत्रमा जाँच गर्दा कुनै पनि प्रकारको शंकास्पद, बम विस्फोटक पदार्थहरु केही पनि पाइएन । केही नपाइएपछि हामीले ११ः१० मा विमानस्थल सञ्चालनलाई पुनः सुरु गरेको अवस्था छ ।’

प्रकाशित : वैशाख २१, २०७९ १३:४७
पूरा पढ्नुहोस्
प्रतिक्रिया
पठाउनुहोस्
x
×