महानगरको मेयर उपमेयरमा दलका तर्फबाट उम्मेदवारी दिने राप्रपा बाहेक सबै नयाँ अनुहार हुन । राप्रपाका साहको यो पाँचौ उम्मेदवारी हो । यसअघि उनी शाही शासनकालमा मनोनित र राजा ज्ञोनन्द्रले गराएको निर्वाचनमा मेयरमा विजयी भएका थिए । त्यसैगरी स्वतन्त्रवाट उम्मेदवारी दिने उमेश यसअघीको निर्वाचनमा जसपावाट मेयरका उम्मेदवार थिए । 

गठबन्धनवाट कांग्रेस, माओवादी केन्द्र, नेकपा एकीकृत र जनता समाजवादी पार्टीवाट महानगरको मेयर र उपमेयरमा मात्र चुनावी तालमेल गरेका छन । गठबन्धनका चारवटै दलले महानगरका १९ वटै वडा अध्यक्ष र सदस्यमा आ–आफना दलका उम्मेदवारी दिएका छन ।

दलहरु उम्मेदवारको नाम दर्ता गर्न मुख्य निर्वाचन अधिकृतको कार्यालयमा ढिलो आएका कारण उम्मेदवार दर्ता  प्रक्रिया राती अवेर जारी रहेको र जिल्लाका अन्य १६ स्थानीय तलमा पनि यस्तै अवस्था रहेको मुख्य निर्वाचन अधिकृत न्यायाधीश भरत लम्सालले वताए । उनका अनुसार जिल्लाभरी कति उम्मेदवारले मनोनयन गरे मंगलबार मात्र भन्न सक्ने स्थिति छ ।

स्थानीय तह निर्वाचन २०७९