स्थानीय तह निर्वाचन २०७९
गठबन्धनबाट पोखरा महानगरको मेयरमा आचार्य र उपमेयरमा रानाभाट उम्मेदवार
पोखरा — पोखरा महानगरपालिकाको मेयरमा सत्ता गठबन्धनको तर्फबाट नेकपा एकीकृत समाजवादीका धनराज आचार्य र उपमेयरमा कांग्रेसकी कोपिला रानाभाटले उम्मेदवारी दर्ता गराएका छन् ।
गठबन्धनका तर्फबाट प्रमुख पदका उम्मेदवार आचार्यले निर्वाचित भएको खण्डमा पोखराको समुन्नति र आम पोखरेलीको अपेक्षा अनुरुप काम गर्ने प्रतिबद्धता व्यक्त गरेका छन् ।
नेपाली कांग्रेसभित्र लामो रस्साकस्सीपछि सत्ता गठबन्धन दलहरूको तर्फबाट एकीकृत समाजवादीका आचार्य प्रमुख पदको उम्मेदवार बनेका हुन् ।
नेपाली कांग्रेस र माओवादी केन्द्रले पोखराको मेयरमा समाजवादीलाई समर्थन जनाए पनि जिल्लामा कांग्रेस कार्यकर्ताहरूमाझ असन्तुष्टि देखिँदै आएको छ ।
प्रकाशित : वैशाख १२, २०७९ १९:०९प्रतिक्रिया