भरतपुरको मेयरमा गठबन्धनबाट माओवादीकी दाहालको उम्मेदवारी

उम्मेदवारी दर्ता गर्न गठबन्धनका दलहरू संयुक्त जुलुससहित निर्वाचन कार्यालय पुगेका थिए । भरतपुरमा सत्ता गठबन्धन र एमाले-राप्रपाबीच तालमेल भएको छ ।

यसअघि एमालेका विजय सुवेदीले मेयरमा उम्मेदवारी दर्ता गरिसकेका छन् । त्यस्तै राप्रपाले हिमला गुरुङलाई उपमेयरमा उठाएको छ । एमालेसँग उपमेयर र २ वटा वडा लिई राप्रपाले तालमेल गरेको हो ।

त्यस्तै कांग्रेसका जगन्नाथ पौडेलले पनि भरतपुरको मेयरमा स्वतन्त्र उम्मेदवारी दिएका छन् । भरतपुरमा मेयर माओवादीलाई दिएको भन्दै कांग्रेसभित्र व्यापक असन्तुष्टि देखिएको छ ।