मोरङ — नेपाली कांग्रेसले विराटनगर महानगरपालिकाको मेयरमा नागेश कोइरालालाई उठाउने भएको छ । सभापति शेरबहादुर देउवाले नेताहरूसँगको परामर्शमा सोमबार बिहान महानगरका उम्मेदवारको टुंगो लगाएका हुन् ।

आइतबार बसेको संसदीय समितिको बैठकले उम्मेदवार छान्ने जिम्मा सभापति एवम् प्रधानमन्त्री शेरबहादुर देउवालाई दिएको थियो ।

नेताहरूबीच विराटनगरको मेयर उम्मेदवार कसलाई बनाउने भन्नेमा विवाद थियो । अन्ततः सभापति देउवाले कोइरालालाई मेयर पदको टिकट दिएका हुन् । कोइरालालाई मेयर पदको उम्मेदवार बनाउन नेता शेखर कोइरालाको जोड थियो ।

तर, सभापति देउवाले भने आफूनिकट केन्द्रीय सदस्य अमृत अर्याल वा संघीय सांसद् समेत रहेकी केन्द्रीय सदस्य डिला संग्रौलालाई मेयर पदको उम्मेदवार बनाउने प्रस्ताव गरेका थिए । मेयर उम्मेदवार बनेका कोइराला पार्टी मोरङ उपसभापति हुन् ।