काठमाडौँ — एमाले महाधिवेशनलाई लक्षित गर्दै नागढुंगा-मलेखु सडक आज र भोलि  बन्द नहुने भएको छ । बुधवारबाट पुस १ गतेसम्म दैनिक पाँच घण्टा बन्द गरेर कालोपत्र गर्ने गरी सूचना जारी भएको थियो। बुधबारदेखि दैनिक पाँच घन्टा सडक बन्द गरेर काम समेत सुरु भइसकेको छ।

महाधिवेशनका बेला सडक बन्द हुँदा समस्या हुने भन्दै एमालेनिकट युवा संघले सडक खुलाउन माग गरेपछि शुक्रबार र शनिवारका लागि काम रोकेर सडक पूर्णरुपमा खुला गरिएको हो। 

युवा संघको टोलीले बुधवार भौतिक पूर्वाधार तथा यातायातमन्त्री कुलमानलाई घिसिङलाई भेटेर महाधिवेशनका लागि दुई दिन सडक खुल्ला गरिदिन आग्रह गरेको थियो। शनिवारबाट भक्तपुरमा एमाले महाधिवेशन सुरु हुँदै छ । देशभरिबाट प्रतिनिधिहरू राजधानी आउने भएकाले सडक अवरुद्ध हुँदा समस्या हुने एमालेको भनाइ थियो।