चालू आवमा विनियोजित बजेटमध्ये फागुन मसान्तसम्म भएको खर्च, बजेट समर्पणको अवस्था र बाँकी अवधिमा खर्च नहुने रकमबारेको विवरण पनि मागिएको उनले बताए । स्रोत व्यवस्थापनअन्तर्गत राजस्व परिचालन, वैदेशिक अनुदान र ऋण परिचालनको अवस्था र अर्थतन्त्रका बढी प्रभावित क्षेत्रलाई सरकारका तर्फबाट तत्काल उपलब्ध गराउने राहत योजना पनि माग गरिएको अर्यालले जानकारी दिए । 

गरिबीको रेखामुनि रहेका नागरिक, बेरोजगार, श्रमिक, अशक्त र पिछडिएका समुदायलाई उपलब्ध गराउने आर्थिक सहयोगको खाका, आगामी आर्थिक वर्षको बजेट तयारीको अवस्था, बजेटका प्राथमिकता र स्रोत व्यवस्थापनको सोचबारे विवरण पठाउन समितिले अर्थलाई भनेको छ । 

‘मुलुकको उद्योग, वाणिज्य, आयात/निर्यात, व्यापार घाटा, विप्रेषण, शोधनान्तर, विदेशी विनिमय सञ्चीति, वित्तीय स्थायित्व र समष्टिगत आर्थिक परिसूचकको अवस्था पनि मागेका छौं,’ अर्यालले भने । उनका अनुसार खर्च र अबको बजेटका विषयमा मात्रै बैठक केन्द्रित हुनेछ । ‘अबको तीन महिनामा चालू बजेटलाई कोरोना महामारीमा लगाउन प्राथमिकीकरण गरी बढी प्रभावित क्षेत्रलाई कसरी सहयोग गर्ने र त्यसलाई आगामी नयाँ बजेटले कसरी दिगो बनाउने भन्ने विषयमा छलफल गर्न अनलाइनमै भए पनि बैठक गर्ने भएका हौं,’ अर्यालले भने ।

लकडाउन