सांगीतिक करिअर निकै शिखरमा पुगेका बेला १९८५ मा प्रतिलिपि अधिकारसम्बन्धी मुद्दा हारेपछि ज्याक्सनले एटीभी म्युजिकलाई ४७.५ मिलियन अमेरिकी डलर तिर्नुपरेको थियो । बिटल्स ब्यान्डका जोन लेनन र पल म्याककार्टनीले लेखेका गीतहरूको प्रयोगका विषयमा उनले जरिवाना तिरेका थिए । त्यसपछि उनीविरुद्ध १३ वर्षीय बालकमाथि यौन दुराचार गरेको आरोप लागेको थियो । उक्त मुद्दा मिलाउन ज्याक्सनले २२ मिलियन अमेरिकी डलर खर्चेका थिए ।

त्यस्तै कतिपय व्यक्ति तथा मनोरन्जन कम्पनीले तिर्नुपर्ने पैसा नदिएको वा सम्झौताअनुसार कार्यक्रम नगरेको भन्दै ज्याक्सनविरुद्ध मुद्दा दायर गरेका थिए । जसका कारण जीवनका पछिल्ला दिनमा ज्याक्सन चरम आर्थिक अभावबाट गुज्रिएका थिए । द गार्जियनका अनुसार मृत्यु हुँदाका बेला ज्याक्सनले विभिन्न व्यक्ति तथा कम्पनीलाई करिब पाँच सय मिलियन अमेरिकी डलर तिर्नुपर्ने थियो । ज्याक्सनको २००९ जुन २५ मा लसएन्जल्समा मृत्यु भएको थियो ।

युवा ग्यालरी