आजकै दिन :  यमनमा क्रान्ति 

सोही क्रममा यमनी राष्ट्रपति अली अब्दुल्लाह सालेहविरुद्ध राजधानी सानालगायतका प्रमुख सहरहरूमा आन्दोलन चर्केको हो । सन् १९४२ को मार्च २१ मा जन्मिएका सलिहले १९७८ देखि १९९० सम्म उत्तरी यमनको राष्ट्रपति थिए ।

उत्तर र दक्षिण यमनबीच सन् १९९० मा भएको एकीकरणपछिको चुनावमा सालेहको दल जेनेरल पिपुल्स कंग्रेस (जीपीसी) निर्वाचित भएसँगै उनी पुनः राष्ट्रपति बनेका थिए । तर उनको राष्ट्रपति कार्यकाल भने २०११ मा सुरु भएको आन्दोलनले टुंग्याइदिएको थियो । करिब एक वर्षसम्म चलेको आन्दोलनका कारण सालेहको तीन दशकभन्दा लामो शासन अन्त्य भएको थियो ।

^{यमनका पूर्वराष्ट्रपति अली अब्दुल्लाह सालेह ।}

सुरुमा बेरोजगारी, आर्थिक संकट, भ्रष्टाचार र यमनको संविधान संशोधन गर्ने प्रस्तावको विरोधमा यमनका जनताहरू आन्दोलित भएका थिए । तर पछि ती मागको बेवास्ता गरिएसँगै राष्ट्रपति सालेहको राजीनामा माग गर्दै आन्दोलन चर्काइएको हो । त्यसक्रममा जनवरी २७ मा राजधानी सानामा मात्रै १६ हजारभन्दा बढीले प्रदर्शन गरेका थिए । लगत्तै सलेहले २०१३ मा हुने निर्वाचनमा प्रतिस्पर्धा नगर्ने घोषणा गर्न बाध्य भएका थिए ।

तर फेब्रुअरी ३ को प्रदर्शनमा २० हजारभन्दा बढी सहभागी भएपछि उनी थप दबाबमा परेका थिए । गल्फ कोअपरेस काउन्सिलले गरेका मध्यस्थताका प्रयासहरू विफ भएपछि प्रदर्शन झन् चर्केसँगै सानालगायतका सहरमा आन्दोलनकारी र सरकार फौजबीच भिडन्तहरू भएका थिए ।

जुन ३ मा राष्ट्रपतीय कार्यालय परिसरमा गराइएको बम विस्फोटमा कम्तीमा पाँच जनाको मृत्यु हुनुका साथै राष्ट्रपति सालेह घाइते भएका थिए । त्यसलगत्तै सालेह साउदी अरब भाग्न बाध्य भएका थिए । सन् २०१७ को डिसेम्बरमा हुथी विद्रोहीको आक्रमणमा पूर्वराष्ट्रपति सालेह मारिएका थिए । यमनी गृहयुद्धमा कुनै समय हुथी विद्रोही र सालेह सँगैसमेत थिए ।