१८.१२°C काठमाडौं
काठमाडौंमा वायुको गुणस्तर: २०
आजकै दिन

बंगलादेश जन्माउने आन्दोलनको सुरुवात

कान्तिपुर संवाददाता

काठमाडौँ — सन् १९६९ मा आजकै दिन (जनवरी २०) पूर्वी पाकिस्तानमा प्रहरीको गोलीले विद्यार्थी नेता अमनुल्लाह मोहम्मद असदुजमन मारिएका थिए । उनको मृत्युपछि तत्कालीन शासकविरुद्ध विद्यार्थीले सुरु गरेको विरोध ‘स्वतन्त्रता युद्ध’ का रूपमा परिणत भएपछि स्वतन्त्र राष्ट्रका रूपमा बंगलादेशको जन्म भएको थियो । 

बंगलादेश जन्माउने आन्दोलनको सुरुवात

उनी तत्कालीन पूर्वी पाकिस्तानको विद्यार्थी संघ (ईपीएसयू) को हल इकाईका अध्यक्ष थिए । १९६९ को जनवरी २० मा उनको नेतृत्वमा ढाका मेडिकल कलेज अस्पताल अगाडिबाट विरोध प्रदर्शन सुरु भएको थियो । करिब १० हजार विद्यार्थीको सहभागिता रहेको प्रदर्शन चान खर पुलतर्फ अघि बढिरहेको थियो । त्यस क्रममा प्रहरीले गरेको गोली प्रहारमा घाइते भएका उनको अस्पतालमा मृत्यु भएको हो ।

विद्यार्थीले गरेको प्रदर्शन असदुजमनको मृत्युपछि आन्दोलनमा परिणत भएपछि तत्कालीन पाकिस्तानी शासक अयुब खान राजीनामा दिन बाध्य भएका थिए । खान सन् १९५८ मा राष्ट्रपति बनेका थिए । आन्दोलन चर्कंदै गएपछि सन् १९७१ मा पूर्वी पाकिस्तान स्वतन्त्र राष्ट्र बंगलादेशको जन्म भएको हो । ‘त्यतिबेला असदुजमनले बलिदान नदिएका भए हाम्रो देशको स्वतन्त्रताको समय धेरै पछि सर्ने थियो,’ उनका भाइ मुनिर–उज–जमनले भने । १९४२ को जुन १० मा जन्मिएका असदुजमन मृत्यु हुनुअघि ढाका विश्वविद्यालयमा इतिहास विषयका स्नातकोत्तरका विद्यार्थी थिए । उनी १९६९ को आन्दोलकका क्रममा ज्यान गुमाउनेमध्ये एक हुन् ।

प्रकाशित : माघ ६, २०७९ ०६:४७
प्रतिक्रिया
पठाउनुहोस्
जनताको राय

एनसेल सञ्चालन गर्दै आएको विदेशी कम्पनी आजिएटा नेपालबाट बाहिरिनुको मुख्य कारण के हो ?