कोरोना संक्रमणबाट बिहारका पूर्वशिक्षामन्त्रीको निधन
काठमाडौँ — बिहारको सत्तारुढ दल जनता दल युनाइटेडका विधायक तथा पूर्वशिक्षामन्त्री मेवालाल चौधरीको कोरोना संक्रमण कारण निधन भएको छ ।
समाचार संस्था एएनआईका अनुसार उनलाई तीन दिन पहिले कोरोना पुष्टि भएको थियो । कोरोना पुष्टि भएपछि उनलाई पटना अस्पताल भर्ना गरिएको थियो । उनको उपचारका क्रममा निधन भएको पनि एएनआईले जनाएको छ । तारापुर विधानसभा क्षेत्रबाट निर्वाचित चौधरी ६८ वर्षका थिए ।
बिहार: जदयू विधायक और पूर्व मंत्री मेवालाल चौधरी का पटना के एक अस्पताल में #COVID19 के कारण निधन हुआ।
— ANI_HindiNews (@AHindinews) April 19, 2021
पछिल्लो समय बिहारमा कोरोना संक्रमण तीव्र बन्दै गएको छ । कोरोना संक्रमण बढेपछि मुख्यमन्त्री नीतीश कुमारले केही क्षेत्रमा प्रतिबन्ध लगाएका छन् । राति नौ बजेदेखि बिहान ५ बजेसम्म पूरै राज्यभर कर्फ्यु लगाइएको छ र त्यस्तै पसल र निजी कार्यालयहरु साँझ ट बजे बन्द गर्न निर्देशन दिइएको छ । त्यस्तै राज्यका सबै शिक्षण संस्था, सपिङ मल, पार्क, सिनेमाघर र धार्मिक स्थललाई मे १५ सम्म बन्द गरिएको छ ।
बिहारमा पछिल्लो २४ घण्टामा थप ८ हजार ६ सय ९० जनामा कोरोना संक्रमण पुष्टि भएको छ ।
प्रकाशित : वैशाख ६, २०७८ ०८:४९