नयाँदिल्ली — भारतको उत्तरपूर्वी राज्य अरुणाचल प्रदेशले सबै विदेशी नागरिकलाई प्रवेशमा रोक लगाएको छ । कोरोना भाइरस(कोभिड–१९) को रोकथाम र नियन्त्रणका लागि भन्दै अरुणाचल प्रदेशले विदेशी नागरिकमाथि प्रवेशमा रोक लगाएको हो ।

अरुणाचल प्रदेशमा इनर पर्मिटअन्तर्गत भारतीय नागरिक पनि बिनाराहदानी प्रवेश पाउँदैनन् । अर्को सूचना जारी नभएसम्मका लागि विदेशी नागरिकमाथिको प्रवेशमा रोक लगाइएको मुख्यमन्त्री पेमा खान्डुले बताए । 

यसैबीच भारतमा कोभिड–१९ बाट संक्रमित हुनेको संख्या ४२ पुगेको स्वास्थ्य सचिव सन्जीव कुमारले जानकारी दिए । सोमबार दिउँसो जम्मू–कश्मीरमा एक ६० वर्षीया वृद्धामा संक्रमणको पुष्टि भएसँगै संक्रमितको संख्या ४२ पुगेको हो । उनलाई हलिे उपचारका लागि अस्पताल लगिएको छ ।