कोरोना प्रकोप : तीन चिनियाँ सहर बन्द, नयाँ वर्षका कार्यक्रम पनि रोकिए- विश्व - कान्तिपुर समाचार
कान्तिपुर वेबसाईट
AdvertisementAdvertisement

कोरोना प्रकोप : तीन चिनियाँ सहर बन्द, नयाँ वर्षका कार्यक्रम पनि रोकिए

एपी

बेइजिङ — कोरोना भाइरसको जोखिम नियन्त्रणका लागि चीनले बिहीबार तीन सहरहरुलाई बन्द गर्ने घोषणा गरेको छ । सयौं मानिस प्रभावित भएको र देशका अन्य सहरहरुमा समेत यो फैलँदै गएका कारण भाइरल भनेको भाइरसको रोकथामका लागि चिनियाँ नयाँ वर्षका लागि तयार ठूल्ठूला कार्यक्रमहरु समेत स्थगित गरिएको छ ।

प्रहरी, स्वाट टिम र अर्ध सैनिक बल समेतलाई वुहान रेल स्टेसनको सुरक्षार्थ खटाइएको छ । यहाँका फलामे बारहरु भएको मुख्य द्वारहरु बिहान ठीक १० बजे बन्द गरिएको छ । अन्तिम रेलका यात्रुहरुलाई मात्र प्रवेश गराउँदै ढिलागरी बुकिङमा जान खोज्नेहरुहरुलाई रोकिएको छ ।


कोरोनाको रोकथामकै लागि यहाँ सधैं व्यस्त हुने सहर, सपिङ मल, रेस्टुरा र सार्वजनिक स्थलहरु समेत सामसुम पारिएका छन् । रेल स्टेसन, एयरपोर्ट, फेरि, सबवे र बस सेवा समेत रोकिएको छ ।


शुक्रबार नजिकैका सहरहरु हुआङगाङ र इझौंमा समेत यो लागु गरिने बताइएको छ । हुआङगाङका थिएटर, इन्टरनेट क्याफे र मनोरञ्जनात्मक केन्द्रहरुलाई बन्द गर्ने आदेश दिइएको छ ।

तस्बिर : एपी

राजधानी बेइजिङका अधिकारीहरुले सहरमा आयोजना हुन लागेका प्रमुख समारोहहरुलाई समेत बन्द गर्न आदेश दिइएको छ । यहाँको संस्कृति तथा पर्यटन ब्युरोले ‘प्रकोप रोकथाम र नियन्त्रण कार्यान्वयन गर्न’ भन्दै परम्परागत नयाँ वर्षका लागि अत्यावश्यक रहेका मन्दिर मेलाहरुलाई समेत रोक्न भनेको छ ।

कोरोना फैलिन नदिन चीनस्थित नेपाली नियोगहरूको हटलाइन

‘मेरो ख्यालमा ११ मिलियन बासिन्दा रहेको सहरलाई रोकथाम गर्न खोज्नु विज्ञानका लागि पनि नयाँ चुनौती हो,’ विश्व स्वास्थ्य संगठनका चिनिया प्रतिनिधि गौडेन गलियाले एपिको अन्तर्वार्तामा भनेका छन्, ‘सार्वजनिक स्वास्थ्य नियन्त्रणका लागि यसअघि यस्तो रोकथामको काम पहिले गरिएको थिएन । यो चरणमा यसले काम गर्छ कि गर्दैन हेर्न बाँकी छ ।’

सरकारले भन्याे- कोरोना भाइरस नेपाल आइपुगेको छैन

कोरोना भाइरसका कारण सिर्जित नयाँ रोग गत महिना औद्योगिक र यातायातको केन्द्रका रुपमा रहेको चीनको हुबेई प्रान्तको सहर वुहानमा फेला पारिएको थियो । यहाँमात्रै कोरोना भाइरसका ५७१ केसहरु फेला परेका थिए ।


कोरोना भाइरसका केसहरु अमेरिका, जापान, दक्षिण कोरिया र थाइल्यान्डमा समेत फेला परेका छन् । बिहीबार मात्रै हङकङले एक संक्रमित फेला परेको बताएको छ भने यसभन्दा अघि मकाओमा फेला परेको बताइएको थियो । चीन बाहिरका संक्रमितहरुमा वुहान अथवा हालै मात्र वुहान भ्रमणमा गएकाहरु छन् ।

चीनमा कोरोना भाइरसको जोखिम बढ्दै, अरु सहरमा पनि भेटियो

हालसम्म कोरोना भाइरसबाट वुहानका १७ मानिसको मृत्यु भइसकेको छ । मृतकहरुमध्ये प्रायको उमेर कम्तीमा ७३ वर्ष छ भने ८९ वर्ष र जवानहरुमा ४८ वर्षका छन् ।

प्रकाशित : माघ ९, २०७६ २०:१८
प्रतिक्रिया
पठाउनुहोस्

मदरसाका प्रधानाध्यापकमाथि यौन दुर्व्यवहारकाे आरोप

उजुरीपछि आरोपित फरार
विनु तिम्सिना

मोरङ — विराटनगर ८ स्थित धार्मिक विद्यालयमा अध्ययनरत दुई छात्रालाई प्रधानाध्यापकले यौन दुर्व्यवहार गरेको आरोप लागेको छ । मदरसा रजाए मुस्तफा आधारभूत विद्यालयका मौलवी अर्थात् प्रधानाध्यापक अमिरुद्दिन मियाँले आफ्नै कार्यकक्षमा बोलाएर यौन दुर्व्यवहार गरेको आरोप लागेको हो । मियाँ फरार भएका छन् ।

दुवै छात्राका अभिभावकले बिहीबार मियाँ विरुद्ध जिल्ला प्रहरी कार्यालय मोरङमा किटानी जाहेरी दिएका छन् । कक्षा ५ मा अध्ययनरत १३ वर्षीया र कक्षा ६ मा अध्ययनरत १४ वर्षीया बालिकालाई मियाँले फरकफरक दिन यौन दुर्व्यवहार गरेको प्रारम्भिक अनुसन्धानबाट खुलेको जिल्ला प्रहरी कार्यालयका प्रवक्ता लोकदर्शन थापाले बताए ।

‘२०६४ सालदेखि उक्त विद्यालयमा कुरान पढाउँदै आएका मियाँले सोमबार दिएको गृहकार्य जाँच गर्नका लागि १३ वर्षीया बालिकालाई मंगलबार आफ्ना कार्यकक्षमा बोलाएर यौन दुरव्यवहार गरेको खुलेको छ,’ थापाले भने, ‘अर्को १४ वर्षीया छात्रालाई बुधबार यौन दुरव्यवहार गरेको प्रारम्भिक अनुसन्धानमा देखिएको छ ।’

१३ वर्षीया बालिकाले यौन दुरव्यवहार गर्ने क्रममा प्रतिकार पनि गरेको तर मियाँले घटना कसैलाई सुनाए आमाबुबालाई समाजमा बदनाम गराइदिने धम्की दिएको थियो । बिहिबार बिहान पढन १३ वर्षीया बालिका मदरसा नगएपछि घटना बाहिरिएको अभिभावकले बताए । घटना बारे जानकारी पाएपछि न्यायका लागि प्रहरीमा आएको अभिभावकले गुनासो पोखे ।

१३ वर्षीयाका अभिभावकले प्रहरीमा उजुरी दिएको सुनेर १४ वर्षीया किशोरीका अभिभावकले पनि उजुरी दिएका हुन् । प्रहरी नायब उपरीक्षक थापाले मियाँलाई पक्राउ गर्नका लागि उनको घरसम्म प्रहरी पुगेको तर फरार भइसकेकोले खोजी कार्य भइरहेको बताए । उनले घटनाको अनुसन्धान प्रक्रिया अघि बढिसकेको सुनाए ।

प्रकाशित : माघ ९, २०७६ २०:१५
पूरा पढ्नुहोस्
प्रतिक्रिया
पठाउनुहोस्
×