कञ्चनपुर — स्थानीय तहको उपनिर्वाचन अन्तर्गत कञ्चनपुरको भीमदत्त नगरपालिका-६ मा मतदान भइरहेको छ । बिहान ९ बजेसम्म ५ सय २२ मत खसेको जिल्ला निर्वाचन अधिकारी उदयराज जोशीले बताए ।
५ हजार ४३४ मतदाता रहेको उक्त वडामा राजनीतिक दलका १० र स्वतन्त्र २ गरि १२ जनाले उम्मेदवारी दिएका छन् । वडाध्यक्षका लागि एक मतदान स्थल र ६ वटा केन्द्रमा मतदान भइरहेको हो ।
बिहानको समयमा चिसो भएका कारण मतदान स्थलमा मतदाको संख्या न्यून देखिएको छ । चिसो कम भएपछि मतदाताको उपस्थिति बढ्ने अनुमान गरिएको छ ।
एक वर्षअघि मोटरसाइकल दुर्घटनामा परी वडाध्यक्ष महेन्द्र खड्काको निधन भएपछि उपनिर्वाचन हुन लागेको हो ।
