यसपालि गोयकुरेजले युक्रेनविरुद्धको प्लेअफ सेमिफाइनलमा स्विडेनलाई ३–१ को विजय दिलाउँदा ह्याट्रिक गोल गरे भने पोल्यान्डविरुद्ध छनोट चरणको निर्णायक खेलमा ३–२ को विजय हात पार्दा उनले विजयी गोल गरेका थिए ।
काठमाडौँ — स्विडिस फरवार्ड भिक्टर गोयकुरेजले यस विश्वकपमा ट्युनिसियाविरुद्धको खेलमा खाता खोलिसकेका छन् । स्विडेनले ट्युनिसियाविरुद्ध ५–१ को जित हात पार्दा गोयकुरेजले पहिला एलेक्जान्डर इसाकलाई गोलका लागि पास मिलाइदिए भने पछि आफैंले गोल गरे ।
आर्सनललाई प्रिमियर लिग च्याम्पियन बनाउन उनले जुन प्रदर्शन दिएका थिए, त्यसलाई गोयकुरेजले विश्वकपमा स्विडेनका लागि विश्वकप निरन्तरता दिएका छन् । आर्सनललाई २२ वर्षयता पहिलो पटक प्रिमियर लिग च्याम्पियन बनाउनेक्रममा उनले ३६ खेलमा १४ गोल गरेका थिए ।
सन् २०१९ को जनवरीमा उनले स्विडेनको राष्ट्रिय टोलीबाट पहिलो पटक खेलेका थिए । त्यसयता २८ वर्षे उनले स्विडेनबाट ३४ खेलमा २१ गोल गरिसकेका छन् ।
फिजिकल, पेस र स्टामिनाका कारण उनी सशक्त स्ट्राइकरको रूपमा विपक्षी अगाडि देखिन्छन् । ६ फिट २ इन्च उचाइका उनलाई ‘एरियल’ को पनि फाइदा छ । स्विडेन २०२२ को विश्वकपमा छनोट हुन सकेको थिएन ।
तर यसपालि गोयकुरेजले युक्रेनविरुद्धको प्लेअफ सेमिफाइनलमा स्विडेनलाई ३–१ को विजय दिलाउँदा ह्याट्रिक गोल गरे भने पोल्यान्डविरुद्ध छनोट चरणको निर्णायक खेलमा ३–२ को विजय हात पार्दा उनले विजयी गोल गरेका थिए ।
