हाइटीले ५२ वर्षपछि पहिलो पटक विश्वकपमा स्थान बनाएको हो । यसअघि सन् १९७४ मा खेलेको थियो। हाइटीले पहिलो खेलमा स्कटल्याण्डसँग १–० ले हारेको थियो ।

फिलाडेल्फियामा जारी ब्राजिल र हाइटी बीचको विश्वकप समूह 'सी' को खेल क्रममा ब्राजिलका राफिन्हा (११) घाइते भएपछि ४० मिनेटपछि मैदान छोड्दै। उनले खेलको सुरूवातमा केही सुन्दर अवसर सिर्जना गरेपनि गोल गर्न भने सकेनन् । तस्बिर : एपी

विश्वकप २०२६ मा हाइटीविरुद्धको खेलको पहिलो हाफ समाप्त हुँदा ब्राजिल ३–० ले सहज स्थितिमा रह्यो । ब्राजिलका लागि म्याथेस कुन्हाले दुई तथा भिनिसियस जुनियरले एक गोल गरेका छन् । कुन्हाले २३ र ३६ औं मिनेटमा गोल गरेपछि जुनियरले इन्ज्युरी समयमा तेस्रो गोल थपे । ब्राजिललाई प्रतियोगिताको नकआउट चरणमा प्रवेश गर्न यो खेलमा जित आवश्यक छ ।

ब्राजिलका लागि भिनिसियस जुनियरले पहिलो हाफको इन्ज्युरी समयको तेस्रो मिनेटमा गोल गरेका छन् । यससँगै ब्राजिल ३–० ले अगाडि रह्यो । यस विश्वकपमा उनको यो दोस्रो व्यक्तिगत गोल हो ।

शनिबार बिहान हाइटीविरुद्धको समूह चरणको दोस्रो खेलमा पनि ब्राजिलका मुख्य खेलाडी नेयमार खेलेका छैनन् । ब्राजिलको आक्रमणको जिम्मा राफिन्हा, कुन्हा र भिनिसियस जुनियरले सम्हालिरहेका छन् । पछिल्ला ६ खेलमा क्लिन सिट नतीजा निकाल्न नसकेको ब्राजिलले समूह ‘सी’ अन्तर्गतको हाइटीसँगको खेलमा ३६ मिनेटभित्र २ गोलको अग्रता लिईसकेको छ ।

ब्राजिलले ३६ औं मिनेटमा दोस्रो गोल गरेको छ र यससँगै हाइटीविरुद्ध २–० को अग्रता लिएको छ । यो गोल पनि म्याथेस कुन्हाकै नाममा रह्यो । यसरी उनले ब्राजिका लागि दुई गोल गरेका छन् ।