मुम्बई — जति जति बेला नेपाली राष्ट्रिय क्रिकेट टिम मैदानमा उत्रेन गर्छ, टिमको सबैभन्दा ठूलो शक्ति नै समर्थक हुने गर्छ । अझ यी समर्थकलाई त १२ औं खेलाडी समेत भन्ने गरिन्छ । यति बेला नेपाली टिम मुम्बईमा छ र आज बिहीबार हुने ट्वान्टी-२० विश्वकप २०२६ खेलमा इटालीको सामना गर्दैछ ।

समूह सी को यो खेल जितेर नेपाल आफ्नो सुपर एटको सम्भावना जीवन्त राख्न चाहन्छ । खेल अगाडि चर्चाको एउटा विषय बनेको छ, नेपाली टिमले पाइरहेको अपार समर्थन ।

हजारौं संख्यामा नेपाली समर्थक लामो यात्रा तय गरेर अहिले मुम्बईमा छन् । कुरा यत्तिकैमा सकिन्न, मरिन ड्राइभ छेउको वानखेडे स्टेडियम पुग्नु पर्छ, जति पनि यो खेल हेर्न आउने छन्, ती सबै नेपाली समर्थक नै हुन जस्तो लाग्न सक्छ ।

यति बेला मुम्बई क्रिकेटसँग जोडिएका जति छन्, ती सबैले नेपाली टिमकै समर्थनमा देखिएका छन् । इंल्यान्डविरुद्धको खेलमा नेपालको राम्रो प्रदर्शनपछि खुसी भएका यी भारतीय क्रिकेट प्रशंसकले नेपाल वानखेडे नेपालको दोस्रो घर हो भनेर समेत दाबी गरिरहेका छन् ।

यस्तै वानखेडेको प्रेस बक्समा जति पनि भारतीय पत्रकार भेटिन्छन्, ती सबैले आफ्नो समर्थन नेपाली टिमकै लागि रहेको बताइरहेका छन् । उनीहरू सबैको लगभग एउटै दाबी जस्तो रहेको छ, भारतीय टिम पनि यो विश्वकपमा कुनै टिमप्रति समर्थन छ भने त्यो नेपाल प्रति नै हो ।