पोखराका लागि ड्यान डाउथवेट १६ बलमा ३७ रन बनाएर आउट ।

सुदूरपश्चिमका लागि हेमन्त धामीले अन्तिम ओभर लिएर आएका छन् ।

सुदूरपश्चिम दोस्रो जिततर्फ अग्रसर बनेको छ । उसले यसअघि पहिलो खेलमा काठमान्डु गोर्खाजलाई २९ रनले पराजित गरेको थियो ।

पोखरालाई जितका लागि अन्तिम ६ बलमा ३२ रन आवश्यक छ ।

पोखराले १८ ओभरको समाप्तीमा ७ विकेट गुमाउँदै १५१ रन जोडेको छ ।

पोखरालाई जितका लागि अब १५ बलमा ५२ रन आवश्यक छ ।

पोखरा एभेन्जर्सले सुदूरपश्चिमले दिएको १९४ रनको लक्ष्य पछ्याउने क्रममा १७ ओभरमा ७ विकेट गुमाएर १३४ रन बनाएको छ ।

अभिषेक तिवारी १३ बलमा ३ रन बनाएर आउट भएका छन् ।

पोखराका ड्यान डाउथवेट ब्याटिङका लागि क्रिजमा आएका छन् ।

कुशल भूर्तेल ५३ रन बनाएर आउट भएका छन् । 

पाेखराका लागि कुशल भूर्तेलले ३१ बलमा ४ चौका र समान छक्काका साथ ५३ रन जोडेका छन् ।

पोखरालाई जितका लागि २७ बलमा ६८ रन आवश्यक ।

पोखराले १५ औं ओभरमा १ रन मात्रै जोडेको छ ।

पोखरा एभेन्जर्सले १४ ओभरको समाप्तीमा १२० रन जोडेको छ ।

पोखराले आफ्नो पाँचौं विकेट गुमाएको छ । सुमित बर्मा ६ रन बनाएर आउट भए ।

पोखराले १३ ओभरको समाप्तीमा ४ विकेट गुमाएर १११ रन जोडेको छ ।

सुदूरपश्चिमले दिएको १९४ रनको लक्ष्य पछ्याइरहेको पोखरालाई जितका लागि ४३ बलमा ८४ रन आवश्यक छ ।

पोखरा एभेन्जर्सले १२ ओभरमा आफ्ना प्रमुख ४ ब्याट्सम्यान गुमाउँदै १०० रन पूरा गरेको छ ।

जिम्मी  निसमलाई दीपेन्द्र सिंह ऐरीले बोल्ड आउट गरेका हुन् ।

जिम्मी निसमले लगातार २ छक्का लगाएका छन् ।

अविनाश बोहराको पहिलो र टिमका लागि ११ औं ओभरमा ३ बाउन्ड्री सहित १३ रन आएको छ ।

पोखराले अन्तिम ५ ओभरमा बिना विकेट क्षति ६० रन जोडेको छ ।

पोखराले १० ओभरको समाप्तीमा ७० रन जोड्दै ३ विकेट गुमाएको छ ।

दसौं ओभरमा पोखराले जोड्यो १९ रन । इशान पाण्डेको एकै ओभरमा पोखराका खेलाडीले १९ रन जोडेका हुन् ।

सुदूरपश्चिमका इशान पाण्डेको बलमा कुशल भूर्तेलले लगातार २ छक्का प्रहार गरेका छन् ।

पोखरा एभेन्जर्सका लागि नवौं ओभरमा जिम्मी निसम र कुशल भूर्तेलको जोडीले १४ रन जोडेको छ ।

पोखराले ८ ओभरको समाप्तीमा ३ विकेट गुमाएर ३७ रन जोडेको छ ।

पोखराका लागि जिम्मी निसमले ८ औं ओभरमा टिमका लागि पहिलो छक्का लगाएका छन् ।

७ ओभरको समाप्तीमा पोखराले २८ रन जोडेको छ ।

सुदूरपश्चिमले ६ ओभरको समाप्तीमा २५ रन दिएर पोखराका तीन ब्याट्सम्यानलाई पभेलियन पठाएको छ ।

पोखराले ५ ओभरको समाप्तीमा ३ विकेट गुमाएर २२ रन बनाएको छ ।

अलराउन्डर जिम्मी निसम ब्याटिङका लागि क्रिजमा आएका छन् ।

हरमित सिंहले आफ्नो दोस्रो ओभरको दोस्रो बलमा किरणलाई विनोद भण्डारीबाट क्याचआउट गराएका हुन् । 

पोखरा एभेन्जर्सले १९४ रनको लक्ष्य पछ्याउँदै ४ ओभरमा २ विकेटको क्षतिमा २० रन बनाएको छ ।

पोखराका लागि कुशल भूर्तेल र किरण ठगुन्ना ब्याटिङ गरिरहेका छन् ।

३ ओभरको समाप्तीमा २ विकेट गुमाएर ११ रन ।

दिनेश खरेल ६ रनको व्यक्तिगत स्कोरमा क्याचआउट भएका हुन् ।

पोखराको दोस्रो विकेट पतन ।

२ ओभरको समाप्तीमा पाेखराले १ विकेट गुमाउँदै ४ रन जोडेको छ ।

पोखराले पहिलो ओभरमा ३ रन मात्रै जोडेको छ ।

 पोखराका एडम रोसिङटन १ रनमा रनआउट भएका हुन् ।

पहिलो ओभेरमै गुमायो विकेट ।

सुदूरपश्चिम रोयल्सले त्रिवि रंगशालामा टस हारेर ब्याटिङ गर्दै २० ओभरमा ७ विकेट गुमाउँदै १ सय ९३ रनको  विशाल योगफल तयार पारेको छ।

सुदूरपश्चिमले पहिले ब्याटिङ गर्दै पोखरा एभेन्जर्सलाई १९४ रनको टार्गेट दिएको छ ।

सुदूरपश्चिम रोयल्सले २० ओभरको समाप्तीमा ७ विकेट गुमाएर १९३ रन बनाएको छ ।

आरिफ शेख ३ बल खेलेर शून्यमा आउट भएका छन्।

सुदूरपश्चिम रोयल्सले १९ ‌ओभरको समाप्तीमा ६ विकेट गुमाएर १८३ रन बनाएको छ ।

सुदूरपश्चिमका लागि  इशान पाण्डे र आरिफ शेख क्रिजमा छन् । 

स्कट कुग्ल्ने ८ रन बनाएर आउट भएका छन् । 

पछिल्लो ५ ओभरमा ३४ रन जोड्ने क्रममा सुदूरपश्चिम रोयल्सले ३ विकेट गुमाएको छ ।

सुदूरपश्चिम रोयल्सले १८ ओभरको समाप्तीमा ५ विकेटको नोक्सानीमा १७६ रन जोडेको छ ।

सुदूरपश्चिम रोयल्सका हरमित  सिंह ४ रन बनाएर आउट भएका छन् ।

बुधबार काठमान्डु गोर्खाजविरुद्ध आक्रामक ब्याटिङ गरेका हरमित सिंह पोखराविरुद्धको खेलमा ६ बलमा ४ रन बनाई आउट भएका छन् । 

हरमित सिंह र स्कट कुग्ल्नेको जोडी क्रिजमा ।

सुदूरपश्चिमका लागि विनोद भण्डारी ४३ रन बनाएर आउट भएका छन् ।

विनोद भण्डारी ४२ बलमा ४३ रन बनाएर आउट भए ।

सुदूरपश्चिमका लागि हरमित सिंह क्रिजमा आएका छन् । 

सुदूरपश्चिमका दीपेन्द्र सिंह ऐरी १५ रन बनाएर आउट भएका छन् । 

दीपेन्द्रसिंह ऐरी आउट भएका छन् । उनी १० बलमा १५ रन बनाउँदै पोखराका कप्तान कुशल भुर्तेलको हातबाट क्याच आउट भए ।

सुदूरपश्चिम रोयल्सले १५ ओभरको समाप्तीमा १६० रन जोडेको छ ।

व्यक्तिगत ४ ओभरको स्पेलमा पोखरा एभेन्जर्सका लागि सागर ढकालले ४१ रन दिएका छन् ।

सुदूरपश्चिमले १४ ओभरको समाप्तिमा २ विकेट गुमाउँदै १४६ रन बनाएको छ। क्रिजमा विनोद भण्डारी ३३ र दीपेन्द्रसिंह ऐरी २ रन बनाई खेलिरहेका छन् ।

सुदूरपश्चिम राेयल्सले १३ ओभरको समाप्तीमा १४२ रन जोडेको छ ।

सुदूरपश्चिमले दोस्रो विकेट गुमाएको छ । क्रिस लिन १३ बलमा ३१ रन बनाउँदै जिम्मी निसमको बलमा अभिषेक तिवारीको हातबाट क्याच आउट भए ।

१३ बलमा ३१ रन जोडेर क्रिस लिन आउट भएका छन् ।

सुदूरपश्चिम रोयल्सले १३ औं ओभरमा २६ रन जोडेको छ ।

सुदूरपश्चिम रोयल्सले १२ ओभरको समाप्तीमा ११६ रन जोडेको छ ।

विनोद भण्डारीलाई साथ दिन क्रिस लिन मैदानमा ।

६ चौका र ५ छक्काको मद्दतमा ६८ रन बनाएका थिए जोस ब्राउनले ।

जिम्मी निसमले आफ्नो दोस्रो ओभरमा जोस ब्राउनलाई आउट गरेका छन् ।

सुदूरपश्चिमले पहिलो विकेट गुमाएको छ । जोस ब्राउन ६८ रन बनाएर आउट भए । उनलाई जिम्मी निसमले किरण ठगुन्नाको हातबाट क्याच गराए । विनोद भण्डारी र ब्राउनको साझेदारी टुटेको छ। उनीहरूले १०८ रनको साझेदारी गरेका थिए ।

१० दशमलव १ ओभरमा सुदूरपश्चिमले १०० रन पूरा गरेको हो ।

आफ्ना मुख्य बलर नै चुटिएपछि पोखरा केही दबाबमा देखिएको छ । पोखराले पहिलो खेलमा विराटनगर किंग्ससँग ५३ रनले हार बेहोरेको थियो भने सुदूरपश्चिमले पहिलो खेलमा काठमान्डु गोर्खाजलाई २९ रनले पराजित गरेको थियो ।

सुदूरपश्चिमले १० ओभरको समाप्तीमा बिनाविकेट क्षति ९९ रन जोडेको छ ।

सुदूरपश्चिमका विनोद भण्डारी र जोस ब्राउनले १० ओभरमा ९९ रनको साझेदारी गरेका छन् ।

सागर ढकालले एकै ओभरमा दिए २० रन ।

सागर ढकालको बलिङमा जोस ब्राउनले लगालग २ छक्का प्रहार गरेका हुन् ।

जोस ब्राउनले २९ बलमा ५० रन पूरा गरेका छन् ।

९ ओभरको समाप्तीमा सुदूरपश्चिमले जोड्यो ७९ रन ।

पोखराका लागि नवौं ओभर लिएर जिम्मी निसम बलिङमा आएका छन् । 

८ ओभरको समाप्तीमा सुदूरपश्चिमले जोड्यो ७३ रन ।

पोखरा एभेन्जर्सका लागि कुशल भूर्तेल बलिङमा आएका छन् ।

सुदूरपश्चिमले ७ ओभरको समाप्तिमा बिना विकेटको नोक्सानीमा ६३ रन बनाएको छ। क्रिजमा विनोद भण्डारी २१ र जोस ब्राउन ३६ रन बनाई खेलिरहेका छन् । 

आफ्नो पहिलो ओभरमा ४ रन दिएका सागर ढकालले दोस्रो ओभरमा ३ रन मात्रै दिएका छन् ।

आफ्नो पहिलो ओभरमा ४ रन दिएका सागर ढकाल दोस्रो ओभर लिएर मैदानमा ।

विना विकेट क्षति सुदूरपश्चिमले ६ ओभरमा ६० रन जोडेको छ ।

१० दशमलव ६० को एभरेजमा रन ।

सुदूरपश्चिमले ५ ओभरमा ५३ रन जोडेको छ ।

१४ बलमा ४ चौका र १ छक्का मद्दतमा जोडे २८ रन । 

सुदूरपश्चिमको ५० रन पुगेको छ । ४.२ ओभरमा सुदूरपश्चिमले  ५१ रन पुर्‍याउँदै सुखद सुरुआत गरेको छ। क्रिजमा विनोद भण्डारी २० र जोस ब्राउन २६ रन बनाई खेलिरहेका छन् । 

सुदूरपश्चिम रोयल्स ४ ओभरमा ४९ रन जोडैको छ ।

पोखरा एभेन्जर्सका आकाश चन्दले २ ओभरमा ३० रन दिएका छन् ।

सुदूरपश्चिमले तेस्रो ओभरको समाप्तिमा बिना विकेटको नोक्सानीमा ३८ रन बनाएको छ। क्रिजमा विनोद भण्डारी १३ र जोस ब्राउन २५ रन बनाई खेलिरहेका छन् । तेस्रो ओभरमा आकाश चन्दको बलमा ब्राउनले १ छक्का र ३ चौकासहित २० रन जोडे ।

जोस ब्राउन र विनोद भण्डारीको जोडी आक्रामक ।

विनोद भण्डारीले दोस्रो ओभरमा २ चौका प्रहार गरेसँगै बिना विकेटको क्षतिमा सुदूरपश्चिमले १८ रन बनाएको छ ।

सुदूरपश्चिम रोयल्सले २ ‌ओभरमा विना विकेट क्षति १८ रन जोडेको छ ।

सुदूरपश्चिम रोयलले पहिलो ‌ओभरमा १० जोडेको छ ।

सुदूरपश्चिमले पहिलो ओभरको समाप्तिमा विना विकेटको नोक्सानीमा १० रन बनाएको छ।

पहिलो खेल जितेको टोलीबाट सुदूरपश्चिमले कुनै खेलाडी परिवर्तन गरेको छैन । दीपेन्द्रसिंह ऐरीको कप्तानीमा रहेको सुदूरपश्चिमको टोलीमा जोस ब्राउन, विनोद भण्डारी, क्रिस लिन, इशान पाण्डे, आरिफ शेख, हरमित सिंह, नरेन साउद, स्कट कुग्ल्ने, हेमन्त धामी र अविनाश बोहरा प्लेइङ ११ बाट खेलिरहेका छन् ।