ताप्लेजुङ — जिल्लामा हुने खेलकुद प्रतियोगिता धमाधम स्थगित गर्न थालिएको छ । चैत २५ देखि हुने जिल्लास्तरीय राष्ट्रपति रनिङ सिल्ड खेलकुद स्थगित भएको छ । जिल्ला खेलकुद विकास समितिका अधिकृत यज्ञनिधी पौडेलले प्रतियोगिता स्थगित भएको बताए । फुङलिङ नगरपालिकाले चैत २१ देखि गर्ने प्रतियोगिता पनि स्थगित हुने नगरपालिकाका खेलकुद विभाग प्रमुख पदमसुन्दर पालुङवाले बताए ।

वर्षौदेखि लाग्दै आएको रामनवमी मेला पनि यो वर्ष स्थगित हुने भएको छ । मेलामा फुटबल, भलिबललगायतका प्रतियोगिता हुँदै आएको थियो । शिसास क्लबका अध्यक्ष ऐश्वर्य थापाका अनुसार सबैतिर बन्द भइरहेको बला प्रतियोगिता गर्नु उपयुक्त नभएकाले स्थगित गरिएको हो । मेला भनिए पनि यहाँ खेलकुद प्रतियोगिता हुने गरेका थिए । आकर्षक प्रतियोगिता भएकाले ताप्लेजुङ र छिमेकी जिल्लाहरू तेह्रथुम, पाँचथर, संखुवासभाका समेत टिमहरू आउने गरेका छन् । यहाँ चैत २० मा सकिनेगरी प्रतियोगिता तय गरिएको थियो ।