मकवानपुरमा ११ प्रहरीसहित १६ जनामा कोरोना पुष्टि
मकवानपुर — मकवानपुर जिल्लामा सोमबार १६ जनामा कोरोना संक्रमण पुष्टि भएको छ । संक्रमित सबै हेटौंडा उपमहानगरपालिका भित्र बसोबास गर्नेहरु रहेको बताइएको छ ।
हेटौंडा–४ कर्रा आइसोलेसन वार्ड इञ्चार्ज भोला चौलागाईले दिएको जानकारी अनुसार विभिन्न प्रहरी चौकीमा कार्यरत ११ जना प्रहरी र हेटौंडा उपमहानगरपालिकाका ५ जना सर्वसाधारणलाई कोरोना संक्रमण भएको हो । उनका अनुसार चितवन घर भएका–३, रौतहटका २, सिन्धुलीका १, बाँकेका २, पर्सा घर भएका १, धादिङ घर भएका १ सहित ११ जना प्रहरीमा कोरोना पाेजिटिभ देखिएकाे हाे ।
उनीहरु सबैको हेटौंडा–१० स्थित किटजन्य रोग अनुसन्धान तथा तालिम केन्द्रस्थित प्रादेशिक प्रयोगशालामा पीसीआर परीक्षण गरिएको थियो ।
प्रकाशित : भाद्र १, २०७७ १५:११प्रतिक्रिया