संविधानमा संघीयता, गणतन्त्र, समावेशिता, धर्मनिरपेक्षिता महत्त्वपूर्ण विषय भए पनि अधुरो, अपूर्ण रहेको छ : जसपा अध्यक्ष यादव
काठमाडौँ — जनता समाजवादी पार्टीका अध्यक्ष उपेन्द्र यादवले संविधान संशोधन गर्ने जिम्मेवारी पूरा गर्न रास्वपालाई आग्रह गरेका छन् ।
आइतबार भरतपुरमा रास्वपाको पहिलो महाधिवेशनको उद्घाटन सत्रमा शुभकामना मन्तव्य दिँदै अध्यक्ष यादवले संविधान अधुरो रहेको बताएका हुन् ।
‘संविधानमा संघीयता, गणतन्त्र, समावेशिता, धर्मनिरपेक्षिता महत्त्वपूर्ण विषय भए पनि अधुरो, अपूर्ण रहेको छ,’ उनले भने, ‘संविधान संशोधन गरी, परिमार्जन गरी, विकृति र विसंगति हटाएर संशोधन गर्ने ऐतिहासिक जिम्मेवारी आइपुगेको छ ।’
