५ वटा मतदान केन्द्रको मतपेटिका हेलिकप्टरबाट सदरमुकाम ल्याइने
काठमाडौँ — मनाङमा दिउँसो २ बजेसम्म ४१.७५ प्रतिशत मतदान सम्पन्न भएको छ । प्रमुख जिल्ला अधिकारी नवराज पौड्यालका अनुसार २ बजेसम्म १५६१ पुरुष र १३६२ महिलाले मतदान गरेका छन् ।
मनाङमा कुल मतदाता ७ हजार रहेका छन् । २८ वटा मतदान केन्द्रमा मतदान भइरहेको छ । प्रजिअ पौड्यालले शुक्रबार बिहानसम्म सबै मतपेटिका सदरमुकाम चामे ल्याइसकिने बताए । उनका अनुसार ५ वटा मतदान केन्द्रको मतपेटिका हेलिकप्टरबाट ल्याइनेछ ।
