काठमाडौं — प्रतिनिधिसभा सदस्य चयनका लागि मतदान गर्न १६ दिन बाँकी रहँदा जम्मा ३० दलले मात्रै निर्वाचन आयोग र कार्यालयहरूमा घोषणापत्र बुझाएका छन् । ६८ दलले प्रत्यक्षतर्फ निर्वाचनमा भाग लिन दर्ता गरे पनि आधाभन्दा कमले मात्रै घोषणापत्र बुझाएका हुन् । 

कांग्रेस र एमालेलगायतका ठूला दलले नै घोषणापत्र नबुझाएको निर्वाचन आयोगका सहायक प्रवक्ता कुलबहादुर जिसीले बताए । उनका अनुसार हालसम्म बुझाउने ३० र नबुझाउने ३८ दल छन् । 

नेकपा, राप्रपा र जसपालगायत दलले यसअघि नै सार्वजनिक गरेर निर्वाचन आयोगमा बुझाएका छन् । 

निर्वाचन आयोगले चुनाव प्रसारप्रसार समय गर्ने समय तालिका अगाडि नै दलहरूले आफ्नो चुनावी घोषणापत्र सार्वजनिक गर्न निर्देशन गरेको थियो । तर, उक्त समय पार गरिसके पनि दलहरूले नबुझाएका हुन् । 

एमाले, कांग्रेस, रास्वपालगायतले अझै चुनावी घोषणापत्र सार्वजनिक गरेका छैनन् । रास्वापले करारपत्र भनि आंश‌िक प्रतिबद्धतापत्र भने बझाएको छ । नबुझाउनेमा एमाले र कांग्रेसले बुधबार सार्वजनिक गर्ने तयारी गरेका छन् । 

निर्वाचन आयोगले ३ फागुनभित्र चुनावी घोषणापत्र सार्वजनिक गरेर निर्वाचन आयोगमा बुझाउन निर्देशन दिएको थियो । एमालेले अध्यक्ष केपी शर्मा ओलीको अध्यक्षतामा र कांग्रे‌सले सभापति गगनकुमार थापाको नेतृत्वमा घोषणापत्र बनाइरहेको छ ।