कांग्रेसको विधान महाधिवेशन अन्तर्गत निर्वाचनका लागि मनोनयन पत्र दर्ताको समय थप गरिएको छ।

साँझ साढे ७ बजेसम्म मनोनयनको समय थप भएको हो । अपरान्ह ४ बजेसम्म सभापतिका लागि ३ जनाले फाराम लिएका छन्। 

कांग्रेस नेता चन्द्र भण्डारी पार्टी कार्यालय सानेपा पुगेका छन्। सानेपामा कांग्रेस केन्द्रीय समितिको बैठक बस्ने तयारी छ।भण्डारीले कांग्रेसको विशेष महाधिवेशनमा सम्बोधन पनि गरेका थिए । 

सानेपामा जारी कांग्रेस केन्द्रीय समितिको बैठक सुरु हुन लागेको छ। केन्द्रीय सदस्य कान्तिका सेजुवालले समितिमा १०१ जना उपस्थित भएको र केहीबेरमा बैठक सुरु हुने जानकारी दिइन्।

कांग्रेसको विशेष महाधिवेशनको तेस्रो दिनसम्म पनि संस्थापन पक्षसँग वार्ता र छलफलबाट निकास निस्किरहेको पृष्ठभूमिमा यो बैठक बस्न लागेको हो।

सम्बन्धित समाचार

नेतृत्वका कारण कांग्रेस विभाजन हुँदैन : प्रवक्ता महत

कांग्रेस नेता प्रकाशशरण महतले आफूहरूले पार्टी एकतावद्ध भएर अघि बढोस् भन्ने चाहेको र सोहीअनुसार वार्ता पनि भइरहेको बताएका छन्।

पार्टी कार्यलय सानेपा पुगेका उनले सञ्चारकर्मीहरूसँग कुरा गर्दै आफूहरूले लचकताका साथ कुराकानी गरिरहेको पनि बताए।

सम्बन्धित समाचार

कांग्रेस विशेष महाधिवेशन : सभापतिका लागि मनोनयन दर्ता शुल्क ३० हजार

कांग्रेसको विधान महाधिवेशन निर्वाचनमा जाने निर्णयसँगै उम्मेदवारहरुले फारम लिएर भर्ने प्रक्रिया सुरु भएको छ।

संस्थापन र महामन्त्रीद्वयबीच महाराजगंजस्थित एक निवासमा वार्ता जारी रहँदा भृकुटीमण्डपमा निर्वाचन तयारी पनि चलिरहेको छ।

सम्बन्धित समाचार

कांग्रेस मुख्यालयमा कोको पुगे ? [तस्बिरहरू]

पार्टी कार्यलय सानेपा पुगेका कांग्रेस नेता शेखर कोइरालाले एकता प्रयास जारी रहेको बताएका छन्। संचारकर्मीले वार्ता कहाँ पुगेको छ भन्ने प्रश्नको उत्तर भने उनले दिएनन् । 

कांग्रेसको विशेष महाधिवेशनको तेस्रो दिनसम्म पनि संस्थापन पक्षसँग वार्ता र छलफलबाट निकास निस्किरहेको पृष्ठभूमिमा उनले यस्तो बताएका हुन्।

एउटा समूह विशेष महाधिवेशनबाट नयाँ नेतृत्व चयनका लागि अगाडि बढिरहँदा कांग्रेस संस्थापन पक्षका नेता तथा कार्यकर्ता पार्टी मुख्यालय सानेपा पुग्न थालेका छन् । सानेपामा केन्द्रीय समिति बैठक बस्दैछ । अहिलेसम्म प्रवक्ता प्रकाशशरण महत, नेताहरु शेखर कोइराला, कृष्णप्रसाद सिटौला, विजयकुमार गच्छदार, मोहनबहादुर बस्नेत, दीपक गिरी, सुजाता कोइराला लगायत केन्द्रीय कार्यालयमा पुगिसकेका छन् ।

कांग्रेसमा जारी विवादको निकास खोज्न भेला भएका नेताहरू केहीबेरको ब्रेकपछि फेरि छलफलमा जुटेका छन्।

संस्थापन समूहका वालकृष्ण खाँड र रमेश लेखक सभापती शेरबहादुर देउवासँग भेटेर फर्केलगत्तै फेरी छलफल सुरु भएको हो । छलफलमा शेखर कोइराला समूहका मीनेन्द्र रिजाल र जीवन परियार, महामन्त्री पक्षधरका गुरु घिमिरे, प्रदिप पौडेल, मधु आचार्य र देवराज चालिसे छन् । 

कांग्रेस नेता शशांक कोइरालाले पार्टीमा एकता हुनुपर्ने बताउँदै महामन्त्रीहरूले आ–आफ्नै डम्फु बजाइरहेको प्रतिक्रिया दिएका छन्। पार्टी कार्यलय सानेपा पुगेका कोइरालाले संचारकर्मीहरूसँग कुरा गर्दै यस्तो बताएका हुन्।

कांग्रेसको विशेष महाधिवेशनको तेस्रो दिनसम्म पनि संस्थापन पक्षसँग वार्ता र छलफलबाट निकास निस्किरहेको पृष्ठभूमिमा उनले यस्तो प्रतिक्रिया दिएका हुन् । 

कांग्रेस नेता विजय गच्छदारले चुनावको मुखमा र देश संकटमा परेका बेला कांग्रेस अझ एकताबद्ध हुनुपर्ने बताएका छन् । पार्टी केन्द्रीय समिति बैठकस्थल सानेपामा पत्रकारसँग कुराकानी गर्दै उनले पार्टी विभाजन यसअघि पनि भोगेकाले विभाजन हुनु हुन्न भन्ने आफ्नो धारणा रहेको बताए । 'कांग्रेस यतिबेला संकटमा छ । दुवै पक्षले पार्टी एकताबद्ध बनाउन सहमतिको बाटो रोज्नुपर्छ,' उनले भने ।

भृकुटीमण्डपमा जारी विशेष महाधिवेशनले निर्वाचन कार्यतालिका सार्वजनिक गरेसँगै कांग्रेसका संस्थापन पक्षका नेताहरु सानेपास्थित पार्टी कार्यलयमा भेला हुन थालेका छन्।

विशेष महाधिवेशन पक्षधर र संस्थापन पक्षधर नेताहरुबीचको वार्ता जारी छ । तर अहिलेसम्म कुनै निष्कर्ष निस्किन सकेको छैन।

कांग्रेसको विशेष महाधिवेशन निर्वाचनमा जाने भएसँगै उम्मेदवारहरूको मनोनयन दर्ता शुल्क पनि निर्वाचन समितिले सार्वजनिक गरेको छ ।

सभापति पदका लागि मनोनयन गर्न ३० हजार रुपैयाँ तोकिएको छ भने केन्द्रीय उपसभापति र महामन्त्री पदका लागि २५ हजार रुपैयाँ मनोनयन शुल्क तोकिएको छ ।