काठमाडौंमा मात्रै १७ जनाको मृत्यु भएको छ । त्यस्तै इटहरीमा २ जनाको मृत्यु भएको छ ।
काठमाडौँ — सोमबार जेन-जीहरूको आन्दोलनका क्रममा मृत्यु भएकामध्ये ५ जनाको सनाखत भएको छ । काठमाडौंमा मात्रै प्रदर्शनका क्रममा १७ जनाको मृत्यु भएको छ । राष्ट्रिय ट्रमा सेन्टरमा ८ जनाको मृत्यु भएको छ ।
तीमध्ये ५ जनाको सनाखत भएको छ । ट्रमा सेन्टरका अनुसार ग्लोबल कलेजमा अध्ययनरत १९ वर्षीय श्रीयाम चौलागाईं, बाँकेका २१ वर्षीय सुलभराज श्रेष्ठ, कीर्तिपुरका ४२ वर्षीय बुद्धि तामाङ, अन्दाजी २८/२९ वर्षीय गौरव जोशी र अन्दाजी २८/२९ वर्षकै स्टप अधिकारीको मृत्यु भएको छ ।
अन्य तीन जनाको भने सनाखत भएको छैन । ३ जनालाई मृत ल्याइएको र बाँकीको उपचारका क्रममा मृत्यु भएको अस्पतालले जनाएको छ ।
त्यस्तै प्रदर्शनका क्रममा इटहरीमा २ जनाको मृत्यु भएको छ ।
