गोरखा — पृथ्वी राजमार्ग अन्तर्गत झ्याप्ले खोलामा पहिरोले पुरिएको अवस्थामा भेटिएको गोरखाको लापुबाट छुटेको यात्रुवाहक बसबाट ५ जनाको शव निकालिएको छ ।

शुक्रबार रातिबाट सम्पर्कविहीन बनेको बा ४ ख २२७० नम्वरको बस आइतबार झ्याप्लेखोलामा पुरिएको अवस्थामा फेला परेको थियो । पहिरोमा पुरिएको बसमा सवार ५ जना मृत भेटिएको गोरखा दरौदी यातायात सेवा प्रालिका अन्जन खत्रीले जानकारी दिए । चालक दलका तीन जना र दुई जना यात्रु रहेको पनि उनले बताए । 

सवारी धनीसमेत रहेका चालक भिमसेन थापा गाउँपालिका–४ धावाका मदन परियार, चालक दलका धावा घर भएका विनय भट्टराई र फुजेलका नवराज तिवारी, धार्चे गाउँपालिका–७ का सुकबहादुर गुरुङको शव भेटिएको उनले बताए ।

अर्का एक यात्रुको भने पहिचान खुल्न सकेको छैन । धार्चे गाउँपालिका–७ लापुवेशीबाट छुटेको बस शुक्रबार रातिबाट सम्पर्कविहीन बनेको थियो । 

सम्बन्धित समाचार

झ्याप्लेखोलामा पहिरो पन्छाउँदै, शव खोज्दै [तस्बिरहरू]

झ्याप्लेखोला पहिरो [अपडेट] : अहिलेसम्म ३ वटा गाडीबाट ३५ जनाको शव निकालियो