भूकम्पमा ज्यान गुमाउनेका परिवारलाई क्षतिपूर्ति रकम वितरण सुरु

जिल्ला प्रशासन कार्यालयले सदरमुकाम खलंगाको थाप्लेबाट नगत वितरण सुरु गरेको हो । थाप्लेमा १३ जनाले ज्यान गुमाएका थिए । नेपाल सरकारले एक जना मृत्यु भएको परिवारलाई दुई लाख र एकै परिवारमा एकभन्दा बढीको मृत्यु भएकाहरूलाई थप एक लाखका दरले दरले क्षतिपूर्ति उपलब्ध गराउने निर्णय गरेको थियो । प्रमुख जिल्ला अधिकारी सुरेश सुनारका अनुसार सरकारले गरेको निर्णय बमोजिम नै राहत वितरण सुरु गरिएको हो ।

जाजरकोट जिल्लामा मात्रै भूकम्पमा परी १ सय १ जनाले ज्यान गुमाएका छन् । प्रमुख जिल्ला अधिकारी सुनारका अनुसार नलगाड नगरपालिका, बारेकोट गाउँपालिका, कुशे गाउँपालिकामा रहेका पीडितलाई मंगलबारबाट रकम वितरण गरिने छ ।

उक्त भूकम्पमा परेर १ सय ५६ जनाले ज्यान गुमाएको सरकारी तथ्यांक छ ।

प्रकाशित : मंसिर ४, २०८० २०:०८

प्रतिक्रिया

पठाउनुहोस्