अर्घाखाँची — शितगंगा नगरपालिका वडा नम्बर १४ को एक सय मत गणना गर्दा नगरप्रमुखमा ५ दलीय गठबन्धनमा कांग्रेसका छविलाल पौडेलले ५० मत ल्याएका छन् । एमालेका उम्मेदवार वसन्त श्रेष्ठले ४२ मत ल्याए ।
उपप्रमुखमा गठबन्धनमा माओवादी केन्द्रका टीका रेश्मीले ४४ मत ल्याए भने एमालेकी गिता भाटले ४३ मत ल्याइन् ।
नेपालगन्ज — नेपालगन्ज उपमहानगरपालिकामा नेपाली कांग्रेसले सुरुवाती अग्रता लिएको छ । नेपालगन्ज उपमहानगरपालिका वडा नम्बर २३ मा १ सय ९८ मतगणना हुँदा नेपाली कांग्रेसका प्रशान्त विष्टले ७९ मतका साथ अग्रता लिएका छन् ।
नेकपा एमालेका पशुपति दयाल मिश्रले २६ र राप्रपाका नन्दलाल वैश्यले ५ मत प्राप्त गरेका छन् । यस्तै नगर उपप्रमुखमा जनता समाजवादी पार्टी(जसपा)का कमरुद्धिन राईले ६८, नेकपा एमालेकी शान्ति ढकालले २६ र राप्रपाकी बिन्दु चर्ती मगरले ७ मत प्राप्त गरेको प्रमुख निर्वाचन अधिकृत खडानन्द तिवारीले बताए । नेपालगन्ज उपमहानगरपालिकाको वडा नम्बर १ र २२ को पनि मतगणना चलिरहेको छ ।
